Pakɔsje 112:4 - Maktub gə́ To gə Kəmee

⁴ Lookàr lé ḭ ndogó loondul’g Mbata lə njéra nédanaje lé ləm, Mbata lə dəw gə́ to njemeekoso lemsé Gə njekoo kəmtondoo gə njemeekarabasur ləm tɔ.

Pakɔsje 112:4 ပူးပေါင်းရင်းမြစ်များ

Maktub gə́ wɔji dɔ Jɔb 11:17

Ndɔje ləi d’a ndogó unda kàr gə́ aar daŋdɔ bèe ləm, Loondulje ləi lé d’a tel to asəna gə lookàr gə́ gə ndɔ bèe ləm tɔ.

Maktub gə́ wɔji dɔ Jɔb 22:28

Ɓó lé i wɔji néje məəi’g mba ra ndá A teḛ mbi gə teḛ boo ləm, Kila rəw-kabije lé lookàr a ndogó dɔ’g ləm tɔ.

Maktub gə́ wɔji dɔ Jɔb 29:3

Loo gə́ néndogó ləa ndogó dɔm’g ləm, Lookàr ləa ɔr nɔm dan loo gə́ ndul njudu-njudu’g ləm tɔ!

Pakɔsje 106:1

Maji kar sí pidije Njesigənea̰! Pidije Njesigənea̰ mbata yeḛ lé to njemaji kɔr njoroŋ, Mbata meekɔrjol ləa lé to saar-saar gə no̰.

Pakɔsje 116:5

Njesigənea̰ lé to gə́ njemeekɔrjol gə njemeekarabasur ləm, Ala lə sí lé to darɔ njemeekaw taḭ-taḭ ya ləm tɔ.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 37:6

Yeḛ a kar meekarabasur ləi nduba rəa gə́ raga Asəna gə lookàr bèe ləm, A kar nérai gə́ danasur lé nduba rəa gə́ raga Asəna gə kàr gə́ aar daŋdɔ bèe ləm tɔ.

Pakɔsje 97:11

Lookàr to mbata njéra nédanaje ləm, Rɔlel to mbata deḛ gə́ meḛ dee to kára ba sur ləm tɔ.

Gosota-Kəmkàrje 21:21

Yeḛ gə́ ndolè goo néra gə́ gə dɔ najee ləm gə meemaji ləm tɔ lé Yeḛ iŋga kəmə ləm gə néra gə́ gə dɔ najee ləma gə rɔnduba ləm tɔ.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 58:10

Ɓó lé i un né ləi gə́ i sí ne kəmba Ar yeḛ gə́ ɓó tɔlee ləm, Ɓó lé i ar mee njendoo ndan tub ləm tɔ ndá Ndogó ləi a ndogó jol-jol loondul’g ləm, Loondulje ləi lé D’a to asəna gə kàr gə́ aar daŋdɔ bèe ləm tɔ.

Esai 58:8

Yee ɓa ndogó ləi a kḭ ne to gə́ kàr Gə́ uba kuji’g bèe ləm, Rɔi a sa ne rəw kalaŋ ləm tɔ, Nérai gə́ gə dɔ najee a kɔr nɔḭ ləm, Rɔnduba lə Njesigənea̰ a korè səi rəw mès ləm tɔ.

Lugu 6:36

Arje meḛ sí oso lemsé dɔ mar síje’g to gə́ bɔ síje ar mée oso lemsé dɔ sí-seḭ’g nja tɔ.

Tagə́maji gə́ Ja̰ ndang 12:46

M’ree dɔ naŋg nee asəna gə lookàr mba kar nana ɓa gə́ ɔm mée dɔm’g ndá a nai dan loondul’g el.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Njé gə́ Epesə 5:15

Bèe ndá undaje kəmkàr dɔ panjaa sí’g, njaaje asəna gə njékəmkàrje ɓó asəna gə mbəje el.

Njé gə́ Epesə 5:9

Mbata meemaji gə́ gə ria-ria ləm, gə meekarabasur ləma, gə kankəmta ləm tɔ lé yee ɓa gə́ kandə lookàr ya.

1 Ja̰ 2:29

Ɓó lé seḭ gəreeje gə́ njemeekarabasur gao ndá maji kar sí gərje gao nana ɓa gə́ ra né gə́ to gə dɔ najee ndá Bɔ-dəwje nja ɓa gə́ njekojee.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.

1 Ja̰ 3:7

Ŋganəmje, maji kar dəw kára kara su kəm sí el. Yeḛ gə́ ra né gə́ gə goo rəbee ndá yeḛ to njemeekarabasur to gə́ Kristi to gə́ njemeekarabasur bèe tɔ.