Pakɔsje 111:7 - Maktub gə́ To gə Kəmee

⁷ Kula reaje gə́ yeḛ ra gə jia lé Yeḛ ra gə meenda londoŋ ləm, Gə néra gə́ gə dɔ najee ləm tɔ, Ndukunje ləa lai lé to kankəm néje gə́ gəd ya ləm,

Pakɔsje 111:7 ပူးပေါင်းရင်းမြစ်များ

Pakɔsje 105:8

Yeḛ ar mée olé dɔ manrɔ’g ləa lé ta-ta ləm, Gə dɔ ndukunje’g ləa gə́ wɔji dɔ ginka dəwje-dəwje loo tɔl-dɔg (1.000) ya ləm,

Pakɔsje 119:151

Ǝi Njesigənea̰, i si mbɔrm’g dəb, Godnduije lai lé to kankəmta ya.

Pakɔsje 119:160

Kankəmta ɓa i tum ne ginta ləi, Rəwta-gaŋgje ləi lai gə́ to gə dɔ najee lé to gə no̰ ya tɔ.

Pakɔsje 119:86

Godnduije lai lé to kankəmta. Deḛ lé d’ula kəm ndòo lal né gə́ bèe, Ndá maji kari ree la səm ya.

Pakɔsje 119:89

Ǝi Njesigənea̰, ta ləi lé to njaŋg mee dara’g saar-saar gə no̰.

Pakɔsje 19:7

Yee ḭ gwɔi naŋg gə́ bər Aw njal teḛ rudee gə́ dɔ-gó, Kɔs gə́ yee ɔs kəd-kəd lé né kára kara askəm ko̰ kəmee el.

Pakɔsje 19:8

Godndu Njesigənea̰ lé to maji dum, Yee ɓa ar dəw aji ne, Ndukunje lə Njesigənea̰ to kankəmta Gə́ kəm kɔm mee dɔ’g, D’ar njegərnéel lé tel to njekəmkàr.

Pakɔsje 85:10

Oiyo, deḛ gə́ ɓəlee lé ndá Kaji ləa to mbɔr dee’g dəb ya Gə mba kar rɔnduba ləa to ne mee ɓee’g lə sí lé.

Pakɔsje 89:14

Kag jii to kɔgərɔ-kɔgərɔ ləm, Jii ɓar mèr-mèr ləma, Jikɔli to gə́ tar ndiŋ ləm tɔ,

Pakɔsje 93:5

Ndukunje ləi lé to kankəmta ya Ɓó loo maḭyee godo, Ǝi Njesigənea̰, némeenda kɔr jol-jol to gə́ mee kəi’g ləi lé ya Gə ləbee-ləbee saar-saar gə no̰ ya.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 9:14

Njesigənea̰ aa dɔ tuji-boo neelé aree teḛ dɔ sí’g ya. Mbata Njesigənea̰, Ala lə sí lé néreaje lai gə́ yeḛ ra lé to gə dɔ najee ya nɛ jeḛ lé j’un mbi sí rəw dɔ ta’g ləa.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

2 Timote 2:13

Ɓó lé jeḛ n’tel n’to gə́ majikojije el Ndá yeḛ lé to njemeenda londoŋ njaŋg gə no̰ Ɓó yeḛ askəm tel rəa raŋg el.