Pakɔsje 111:2 - Maktub gə́ To gə Kəmee

² Kula ra Njesigənea̰ lé to kulaje gə́ boo. Deḛ lai gə́ d’unda néraje neelé dan kəm dee’g lé Deḛ saŋg gelee ta-ta.

Pakɔsje 111:2 ပူးပေါင်းရင်းမြစ်များ

Maktub gə́ wɔji dɔ Jɔb 37:14

Jɔb, maji kari ur mbii gèŋ oo ne néje neelé! Maji kari aa loo oo nédumkooje lə Ala ya ɓəi!

Maktub gə́ wɔji dɔ Jɔb 37:7

Yeḛ unda nétorji ji dəwje’g lai Mba kar dee-deḛ lai gər ne na̰ gə́ nékundaje ləa.

Maktub gə́ wɔji dɔ Jɔb 5:9

Yeḛ ra boo-néje gə́ dum gər ginee ləm, Yeḛ ra néje gə́ maji dum gə́ dum tura ləm tɔ.

Maktub gə́ wɔji dɔ Jɔb 9:10

Yeḛ ra néje gə́ boo-boo gə́ dəw askəm gər el ləm, Yeḛ ra némɔrije gə́ dum tura ləm tɔ.

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 104:34

Maji kar tapam neelé taa kəmi rəgm! Ma lé m’ndigi ndá məəm kaḭ dɔ Njesigənea̰’g.

Pakɔsje 107:43

Maji kar yeḛ gə́ to gə́ njekəmkàr lé Tɔs kəmee dɔ néje’g neelé ləm, Maji karee ra kəmee rakaa dɔ némeemajije’g lə Njesigənea̰ lé ləm tɔ.

Pakɔsje 118:15

Ndu pa kun baŋga gə ka̰ kaji lé Ɓar mee kəi-kubuje’g lə njémeekarabasurje ya, Jikɔl Njesigənea̰ lé riba dɔ siŋgamoŋ ləa gə́ raga.

Pakɔsje 139:14

Ma m’pidii mbata m’to dəw-kunda ləi gə́ maji dum. Kula raije lé maji péd-péd ya, Yee ɓa ma m’gər gao ya.

Pakɔsje 143:5

M’ar məəm olé teḛ dɔ ndɔje gə́ kédé gə́ ləw lé ləm, M’la̰ji dɔ néraje’g ləi lai ləma, M’ə̰ji m’teḛ dɔ néje lai gə́ i ra gə jii ya ləm tɔ.

Gosota-Kəmkàrje 17:16

See lar gə́ ji mbə-dəw’g lé Majee to ɗi wa. See a ndogo ne kəmkàr wa. Nɛ kəmkàr na mée tas.

Gosota-Kəmkàrje 24:14

Nɛ maji kari gər kəmkàr mbata kankəmrɔi kara togə́bè tɔ, Ɓó lé i iŋga ndá ndɔ gə́ bèlè to gən ləm, Nékunda-mee-yel dɔ’g ləi lé a kudu bo̰ el tɔ.

Njekillamber 3:11

Yeḛ ra néje lai ar dee maji mee ndɔje’d gə́ wɔji dɔ dee dɔ dee, yeḛ ar takə̰ji si kəmba gə no̰ kara to meḛ dee’g, nɛ lé bèe kara dəw lé askəm gər né gə́ Ala ra kédé gə́ dɔtar saar ndɔ gə́ rudu lé el.

Esai 40:12

See na̰ ɓa wɔji manje gə ŋgo jia wa. See na̰ ɓa wɔji tad lə dara gə dabla jia wa. See na̰ ɓa odo nduji naŋg mee nékwɔji-né Gə́ kaiyee loo munda kun təa kára wa. See na̰ ɓa wɔji kwɔi lə mbalje gə nékwɔjee wa. See na̰ ɓa wɔji kwɔi lə dɔdərlooje gə nékwɔjee wa.

Loo gə́ killa rea kəm Daniel’g 4:3

M’un ndum mba kar dee d’ar njékəmkàrje gə́ Babilɔn lai ree nɔm’g mba kar dee d’ɔr gin ni lé d’am.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Rɔmə 8:6

Takə̰ji gə́ ḭ darɔ’g lé yel kó yoo, nɛ takə̰ji gə́ ka̰ Ndil lé yel kó kəmə lé ləm, gə kó meelɔm ləm tɔ.

Njé gə́ Epesə 1:19

gə boo-siŋgamoŋ ləa gə́ wɔji dɔ síjeḛ gə́ j’ɔm meḛ sí dəa’g ləm tɔ. Yee ɓa to siŋgamoŋ gə́ dum dɔ loo ya.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,