Pakɔsje 110:7 - Maktub gə́ To gə Kəmee

⁷ Yeḛ ai mán kəm-rəw-mán’g loo njaa tar’g ləa lé, Gelee gə́ nee ɓa yeḛ unda ne dəa tar gə mbəa.

Pakɔsje 110:7 ပူးပေါင်းရင်းမြစ်များ

Maktub gə́ wɔji dɔ Jɔb 21:20

To kəm karee yeḛ nja oo tuji ləa gə kəmee ləm, To ta ləa-yeḛ nja gə mba karee ai oŋg lə Bao-siŋgamoŋ ləm tɔ.

Pakɔsje 102:9

Njéba̰je ləm lé d’ila ndɔl dɔm’g gə ndɔje kára-kára lai, Njékoma̰ səmje lé kara d’un rim d’ubu ne rɔ dee gə boo-oŋg.

Pakɔsje 27:6

Ɓasinè m’unda dɔm tar no̰ njéba̰je’g ləm gə́ d’aḭ dɔm sub, M’a kinja nékinjanéməsje mee kəi-kubu’g ləa Loo gə́ ndu to̰to̰ aw ɓar ləm, M’a kɔs pa kila ne riɓar dɔ Njesigənea̰’g ləm tɔ.

Pakɔsje 3:3

See dəwje ka̰da ɓa pata d’wɔji ne dɔm pana: M’a kiŋga kaji rɔ Ala’g lé pai godo, ɓa pa bèe wa.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 52:31

Ləb gə́ njekɔm’g rɔ-munda-giree-siri gə́ Jojakḭ, mbai gə́ Juda si ne ɓee-ɓər’g lé naḭ gə́ njekɔm’g dɔg-giree-joo, ra ndɔ rɔ-joo-giree-mi ndá Ebil-Merodak, mbai gə́ Babilɔn ra meemaji gə Jojakḭ, mbai gə́ Juda ɔree kəi-daŋgai’g mee ləb ko̰ɓee’g ləa gə́ dɔtar ilá tar.

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.

Matiyo 26:42

Yeḛ sa rəa aw ɔm gə́ gɔl joo ndá yeḛ ra ndòo ta Ala’g pana: Bɔm, ɓó lé to kəm kari taa ŋgo-kai meeko̰ nee jim’g lal kam m’ai lé el ndá m’a ra torndui karee ɔr rɔd ya.

Lugu 24:26

See Kristi lé néurti a rəa togə́bè ɓa mba karee andə ne loo-ronduba’g ləa lé el wa.

Tagə́maji gə́ Ja̰ ndang 18:11

Jeju ula Piɛrə pana: Tel gə kiambas ləi ulá sɔlee’g gogo. Né gə́ mee ŋgo-kai-né gə́ Bɔm am mba karm m’ai lé see m’a mbad wa.

1 Piɛrə 1:11

Deḛ d’ula rɔ dee ndubu gə goo Ndil Kristi gə́ to meḛ dee’g mba gər ne ndɔ gə́ Ndil lé pa taree kédé wɔji ne dɔ néurti gə́ a gə ra Kristi gə rɔnduba gə́ a gə korè gée lé ləm, gə mba gər rəbee ləm tɔ.

Njéga̰g-Rəwtaje 15:19

Ala ta̰ mbal gə́ Léi lé ar mán teḛ keneŋ. Samso̰ ai ndá ndilee ree rəa’g ar kəmee tuga sib. Gelee gə́ nee ɓa d’unda ne ri kəm-rəw-mán neelé lə En-Akɔr, kəm-rəw-mán neelé to Léi saar teḛ ne mee ndəa gən ɓəi.