Pakɔsje 11:7 - Maktub gə́ To gə Kəmee

⁷ Mbata Njesigənea̰ lé to njemeekarabasur ya Né gə́ to gə dɔ najee lé ɓa taa kəmee rəgm. Deḛ gə́ to njéra nédanaje lé d’a kaa kəmee gərərə ya.

Pakɔsje 11:7 ပူးပေါင်းရင်းမြစ်များ

Maktub gə́ wɔji dɔ Jɔb 36:7

Yeḛ un kəmee rəw dɔ njémeekarabasurje’g el. Yeḛ unda dee na̰’d gə mbaije dɔ kalimbaije’g ləm Yeḛ ar dee d’isi keneŋ saar gə́ no̰ mba kar dee d’iŋga ne rɔnduba ləm tɔ.

Pakɔsje 146:8

Njesigənea̰ lé ar kəm njékəmtɔje teḛ ləm, Deḛ gə́ d’wa koŋgoŋ lé Njesigənea̰ nja ndɔji dee Ar dee d’aar dana njoroŋ ləma, Njéra né gə́ gə dɔ najee-je lé kara Njesigənea̰ lé unda dee dan kəmee’g ya ləm tɔ.

Pakɔsje 17:15

Ma lé mbɔl dɔ meekarabasur ləm lé ɓa M’a koo ne kəmi ya, Loo gə́ m’a teḛ kəm gə ndɔ rad lé ndá Ndili ɓa kəm a kwəi dəa’g sḭ ləm, a tuga ne sib ləm tɔ.

Pakɔsje 21:6

La gə́ i la səa lé ar rɔnduba ləa to ne yaa̰, I dolè gə riɓar gə boo-ronduba tɔ.

Pakɔsje 33:18

Aa ooje, kəm Njesigənea̰ lé To dɔ deḛ gə́ ɓəlee’g Gə́ d’unda meḛ dee yel dɔ meemaji’g ləa

Pakɔsje 33:5

Meekarabasur gə néra gə́ danasur lé Yeḛ unda dee dan kəmee’g, Meemaji lə Njesigənea̰ lé Taa dɔ naŋg nee yal-yal tɔ.

Pakɔsje 34:15

Maji kari unda rɔi ɓad dɔ néra gə́ majel’g ndá Ra né gə́ maji ləm, Maji kari saŋg meelɔm ai ne məəi sam-sam keneŋ ləm tɔ.

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 45:7

Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Pakɔsje 45:8

I lé unda néra gə́ gə meekarabasur dan kəmi’g Nɛ néra gə́ yèr lé i ə̰ji bəḭ-bəḭ, Gelee gə́ nee ɓa, Ala gə́ to Ala ləi lé wa ne dɔi gə ubu gə́ ka̰ rɔlel Undai ne gə kəmee unda kuramarije.

Pakɔsje 5:12

Yen ɓa deḛ lai gə́ d’ɔm meḛ dee dɔi’g jəb-jəb lé Rɔ dee a lel dee ne ləm, D’a kal ne rɔ dee saar gə no̰ ləm, I a kaḭ ne dɔ dee kɔr-kɔr ləma, I a to gin rɔlel lə deḛ lai Gə́ d’unda rii dan kəm dee’g ləm tɔ.

Pakɔsje 7:11

Dər-rɔ ləm tɔ rɔ Ala’d Gə́ to njekaji deḛ gə́ meḛ dee to kára ba sur.

Pakɔsje 7:9

Njesigənea̰ gaŋg rəwta lə dəwje. Ǝi Njesigənea̰, maji kari ra rəwta ləm Gə goo meekarabasur ləm ləm, Gə goo gelgodo ləm ləm tɔ.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Gosota-Kəmkàrje 15:9

Rəw-kaw njemeeyèr lé To né gə́ mina̰ kəm Njesigənea̰’g, Nɛ yeḛ gə́ ndolè goo néra gə́ gə dɔ najee ɓa Yeḛ undá dan kəmee’g.

Esai 61:8

Mbata ma Njesigənea̰ m’unda néra gə́ gə dɔ najee dan kəm’g Ndá m’ə̰ji ɓogo gə néra gə́ kori-kori bəḭ-bəḭ, M’a kar dee nékoga-dɔ-ji dee gə goo rəbee ləm, Ma jeḛ sə deeje j’a manrɔ sí kar na̰ Gə manrɔ gə́ to gə no̰ ləm tɔ.

1 Piɛrə 3:12

Mbata kəm Mbaidɔmbaije lé to dɔ njémeekarabasurje’g ya, Mbia kara to tag gə mba koo ne tamaji gə́ deḛ ra ya tɔ. Nɛ Mbaidɔmbaije lé kəmee tel wagəsa dɔ njéramajelje’g.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

Loo gə́ killa rea kəm Ja̰’g 22:4

tɔɓəi ria a to ŋgo no̰ dee’g ləm tɔ.