Pakɔsje 11:6 - Maktub gə́ To gə Kəmee

⁶ Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 11:6 ပူးပေါင်းရင်းမြစ်များ

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Gḭ-Néje 43:34

Jisəb ar dee d’un nésɔ gə́ to nea̰’g d’aw kai dee ndá Bḛjami iŋga kea̰-yeḛ ur dɔ ka̰ dee-deḛ’g gɔl mi. Deḛ d’ai ndá d’al rɔ dee səa na̰’d.

Maktub gə́ wɔji dɔ Jɔb 18:10

D’iya gum naŋg gə mba kwá ne ləm Tɔɓəi mba̰gəra to kila rəw-kabee’g ləm tɔ.

Maktub gə́ wɔji dɔ Jɔb 18:15

Dəw ləa kára kara nai mee kəi’g ləa el ləm Kṵji pər gə́ kas njir-njir taa loo-siée pəl-pəl ləm tɔ.

Maktub gə́ wɔji dɔ Jɔb 20:23

Loo gə́ yeḛ si mbula nésɔ mée’g ndá Ala a kɔm pər oŋg ləa dəa’g Karee ər dəa’g to gə́ ndi bèe.

Pakɔsje 105:32

Yeḛ ar kwɔji ər tor ndi’g ləm, Yeḛ ar ndo̰ pərje taa loo pəl-pəl mee ɓee’g lə dee ləm tɔ.

Pakɔsje 16:5

Njesigənea̰ ɓa to nénduba ləm, gə ŋgo-kai-mán ləm ləm tɔ, I nja ar né gə́ wɔji dɔm to njaŋg,

Pakɔsje 18:13

Loo gə́ ndogó nea̰’g lé sané mumje Gə kwɔji gə kɔr pərje kad-kad.

Pakɔsje 32:10

Némeeko̰je bula to ŋgina njemeeyèr, Nɛ yeḛ gə́ ɔm mée dɔ Njesigənea̰’g lé Meenoji gugu dəa sub ya.

Pakɔsje 75:8

Nɛ Ala nja ɓa to gə́ njegaŋ-rəbee ya. Yeḛ nja ar yeḛ gə́ nee ula dəa naŋg ləm, Ar yeḛ gə́ yo unda dəa tar ya ləm tɔ.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Ejekel 13:13

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: N’a kar lel-ndi ula mbḭ-mbḭ dan boo-oŋg’d lə neḛ ləm, ndi bura-boo a tɔ kub kər dan oŋg’d lə neḛ ləm tɔ, tɔɓəi ndi kwɔji a jura naŋg wururu-wururu gə mba tuji loo pugudu-pugudu.

Ejekel 38:22

N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Habakuk 2:16

Seḭ nja arje rɔkul boo tur dɔ sí pubug, Seḭ nja kara aije ndá ribaje ne dɔ nérɔkul lə sí gə́ raga ya to! Njesigənea̰ a kar sí aije bai-oŋg ləa sɔd ya Ndá nérɔkul lé a kar rɔnduba lə sí tel to né gə́ mina̰.

Lugu 17:29

Nɛ ndəa gə́ Lɔt unda loo Sɔdɔm’g teḛ ndá kṵji pər gə́ o̰ bilim-bilim, gə sa pər gə́ uba ŋgɔg-ŋgɔg ḭ dara ur dɔ dee’g ar dee d’udu ne bo̰.

Tagə́maji gə́ Ja̰ ndang 18:11

Jeju ula Piɛrə pana: Tel gə kiambas ləi ulá sɔlee’g gogo. Né gə́ mee ŋgo-kai-né gə́ Bɔm am mba karm m’ai lé see m’a mbad wa.

1 Samel 1:4

Ndɔ gə́ Elkana inja nékinjaməs ləa ar Ala ndá yeḛ kai da lé ar nana kara yee gə́ wɔji dəa-dəa ya: ar Penina dené ləa ləm, ŋganeeje gə́ diŋgam gə njé gə́ dené ka̰ dee gə́ wɔji dɔ dee dɔ dee ləm tɔ.

1 Samel 9:23

Samel ula njḛdiri-né pana: Maji kari ar dee nésɔ gə́ m’ari m’ulai m’pana: Unda ɓəd bèe ɓa lé.