Pakɔsje 11:4 - Maktub gə́ To gə Kəmee

⁴ Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Pakɔsje 11:4 ပူးပေါင်းရင်းမြစ်များ

1 Sôrta Gḭka-Israɛlje 17:5

Mbata un kudee mee ndəa gə́ m’ar Israɛlje d’unda ne loo mee ɓee gə́ Ejiptə teḛ saar teḛ ɓogənè lé ma m’isi mee kəi’g el, nɛ m’aw mee kəi-kubuje’g ɓəd-ɓəd ləm, loo-sim to gə loo-loo ləm tɔ.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Maktub gə́ wɔji dɔ Jɔb 24:23

Ala ar dee d’isi gə́ majee ləm, gə meḛ dee gə́ to lɔm ləm tɔ. Yeḛ orè kəmee ndəŋ dɔ rəw kaw dee’g.

Pakɔsje 103:19

Njesigənea̰ unda kalimbai ləa dan dara’g, Ko̰ɓee ləa dum dɔ néje lai ya tɔ.

Pakɔsje 113:5

See na̰ ɓa tana gə Njesigənea̰, Ala lə sí lé wa. Yeḛ lé loo-siée to tar sab.

Pakɔsje 139:23

Ǝi Ala, maji kari ur məəm gə mba gər məəm ləm, Aḭ məəm gə mba gər takə̰jije ləm ləm tɔ.

Pakɔsje 14:2

Njesigənea̰ gə́ si dɔ dara gə́ tar lé Aa loo oo dəwje Mba koo see dəw kára gə́ to gə́ njekəmkàr Gə́ saŋg Ala si gən wa.

Pakɔsje 18:6

Ta dɔɓar to tag mbata ləm ləm, Bandəje lə yoo kara d’aḭ dɔm kɔr-kɔr ləm tɔ.

Pakɔsje 2:4

Yeḛ gə́ loo-siée to dan dara’g lé kogo ŋgig-ŋgig, Mbaidɔmbaije ula sul dɔ dee’g ya.

Pakɔsje 33:13

Njesigənea̰ lé si mee dara gə́ tar Aa loo oo ne dəwje lai.

Pakɔsje 44:21

Ɓó lé j’ar meḛ sí wəi dɔ ri Ala’g lə sí J’ula ne ji sí ndiŋ par gə́ rɔ magə gə́ d’ḭ ne raŋg ndá

Pakɔsje 66:7

Siŋgamoŋ ləa ɓa yeḛ o̰ ne ɓee dɔ loo’g gə ləbee-ləbee saar gə no̰, Yeḛ orè kəmee sḭ dɔ ginkoji dəwje gə raŋg’g lé, Maji kar njékɔsta-rəwje d’ḭ səa el!

Pakɔsje 9:11

Deḛ gə́ gər rii lé d’ɔm meḛ dee dɔi’g jəb-jəb Mbata i Njesigənea̰ lé deḛ gə́ sa̰gi lé I uba dee ya̰ dee el.

Gosota-Kəmkàrje 15:3

Kəm Njesigənea̰ un loo lad-lad, Aree oo ne njémeeyèrje gə njémeemajije gao.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Jeremi 23:24

Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Misee 1:2

Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Matiyo 23:21

Yeḛ gə́ ubu rəa gə ri kəi-Ala ndá yeḛ ubu rəa gə ri Ala lé gə́ njesi mée’g lé ya tɔ.

Matiyo 5:34

Nɛ ma nja m’ula sí, maji kar dəw ubu rəa pai el. I a kubu rɔi gə dara el mbata dara lé to kalimbai lə Ala ya.

Néra Njékaḭkulaje 7:49

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Loo gə́ killa rea kəm Ja̰’g 4:2

Léegəneeya Ndil taa məəm yal-yal. Aa ooje, kalimbai to dara ndá dəw kára si keneŋ.