Pakɔsje 109:4 - Maktub gə́ To gə Kəmee

⁴ Ma lé m’unda dee dan kəm’g Nɛ deḛ ndá tel to gə́ njékoma̰ səmje. Nɛ ma lé tamaji ɓa m’ra ya.

Pakɔsje 109:4 ပူးပေါင်းရင်းမြစ်များ

2 Samel 13:39

Mbai Dabid lé əw rəa korə Absalɔm mbata mée tel to lɔm dɔ kwəi’g lə Amno̰ lé ŋga.

1 Sôrta Gḭka-Israɛlje 19:4

Togə́bè ɓa Hana wa njékaḭkulaje lə Dabid lé ar dee ndisa dəb mbai ta dee ləm, ar dee tḭja kubuje lə dee dana gaŋg saar teḛ ta kudu dee’g ləm tɔ ɓa ya̰ dee ar dee d’aw ɓəi.

Pakɔsje 35:12

Deḛ tel ra səm majel godə maji gə́ m’ra sə dee’g, Deḛ d’ya̰m gə karm ba.

Pakɔsje 35:7

Mbata lal né gə́ bèe ya D’ɔm ne kam ta bwa’d gə mbam ləm, Lal né gə́ bèe ya D’uru ne bwa mba tɔlm ne ləm tɔ.

Pakɔsje 38:20

Njéba̰je ləm lé d’aw njam-njam ləm, Siŋga dee to kɔgərɔ-kɔgərɔ ləm tɔ, Deḛ gə́ d’ḛjim bəḭ-bəḭ lal né gə́ bèe lé kara Bula digi-digi tɔ.

Gosota-Kəmkàrje 17:13

Dəw gə́ ra némajel godə maji gə́ ra səa lé Némajel a kya̰ mee kəi ləa nda̰ el.

Loo gə́ killa rea kəm Daniel’g 6:10

Yen ŋga mbai Darius lé ndaŋg godndu nee ləm gə né kɔg loo ra né rədədə ləm tɔ.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Tagə́maji gə́ Ja̰ ndang 10:32

Jeju dəji dee pana: Ma m’ra néraje gə́ maji gə́ ḭ rɔ Bɔm’g bula m’ar sí ooje. See néra gə́ ba̰ ɓəi ɓa seḭ a gə tilamje ne gə kɔri-ər gə mbəa wa.

2 Njé gə́ Kɔrḭtə 12:15

Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.