Pakɔsje 109:20 - Maktub gə́ To gə Kəmee

²⁰ Maji kar né neelé ɓa to né gə́ Njesigənea̰ ɓa a kuga ne dɔ ji njéba̰je ləm Deḛ gə́ pata meeyèr d’wɔji ne dɔm lé tɔ.

Pakɔsje 109:20 ပူးပေါင်းရင်းမြစ်များ

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 18:32

Mbai dəji dəw gə́ Etiopi lé pana: See ŋgon gə́ basa gə́ Absalɔm lé si gə́ majee ya wa. Dəw neelé tel ilá keneŋ pana: Maji kar dee-deḛ lai gə́ to njéba̰je lə mbai ləm, gə deḛ lai gə́ d’ḭ gə mba rɔ səi gə mba ra ne səi némajel ləm tɔ lé to to gə́ basa neelé ya.

1 Mbaije 2:44

Ndá mbai ula Simei lé ya tɔɓəi pana: Némajelje lai gə́ i ra gə bɔm Dabid lé i gər məəi’g gao ya, Njesigənea̰ a kar némeeyèr ləi tel oso dɔi’g ya.

Pakɔsje 110:1

Pa lə Dabid Njesigənea̰ ula Mbaidɔmbaije ləm pana: Si dɔ jikɔlm’g Saar mba karm m’ar njéba̰je ləi Tel to nétura-gɔl-kɔm ləi lé.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 71:10

Mbata njéba̰je ləm lé pata d’wɔji ne dɔm, Deḛ gə́ d’umum rəw’g gə mba tujim lé kara D’ula ta meḛ na̰’d gə mbam ya ləm tɔ.

Pakɔsje 94:23

Yeḛ a kar néra dee gə́ yèr lé tel oso dɔ dee’g gogo ya ləm, Yeḛ a kar dee d’udu bo̰ gə goo meeyèr lə dee lé ya ləm tɔ, Ala lə sí gə́ Njesigənea̰ lé a kar dee d’udu bo̰ gə no̰ ya.

Matiyo 11:19

Ŋgon-dəw lé ree, yeḛ sɔ né ləm, yeḛ aḭ né ləm tɔ ndá deḛ pana: Yeḛ to njembula nésɔ ləm yeḛ to njḛdi mán-nduú ləm tɔ. Yeḛ ɔr kura gə́ njétaa lar-gədɓeeje ləm, kaiya-dəwje kara yeḛ ɔr sə dee kura ləm tɔ. Kəmkàr lé ŋganeeje ɓa tegginee gə́ raga pai-pai.

Matiyo 12:24

Parisiḛje lé d’oo ta gə́ deḛ pa lé ndá d’ila dee keneŋ pana: Mbɔl dɔ Beeljebul, mbai lə ndilje gə́ majel lé ɓa diŋgam neelé tuba ne ndilje gə́ majel meḛ dəwje’g ya.

Mark 9:39

Jeju tel ilá keneŋ pana: Maji kar sí ɔgeeje dɔ nérea’g lé el, mbata dəw gə́ rara ɓa ra né némɔri gə rim ndá yeḛ a kaskəm kḭ gə́ lée’g ɓar rim yèr bèe el.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

1 Njé gə́ Kɔrḭtə 12:3

Gelee gə́ nee ɓa, ma m’ula sí təsərə ya, dəw gə́ rara gə́ Ndil Ala a karee pata lé a pa pana: Maji kar dɔ Jeju udu guduru lé a pa bèe godo. Dəw gə́ rara gə́ pana: Jeju to Mbaidɔmbaije lé ɓó lé Ndil Ala ula njea lé el ndá yeḛ askəm pa bèe el tɔ.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.