Pakɔsje 109:14 - Maktub gə́ To gə Kəmee

¹⁴ Maji kar Njesigənea̰ ar mée olé Teḛ dɔ néra gə́ kori-kori’g lə bɔbeeje-je lé ta-ta ya ləm, Kaiya ra kea̰je lé kara maji karee ɔr dəa’g nda̰ el ya ləm tɔ!

Pakɔsje 109:14 ပူးပေါင်းရင်းမြစ်များ

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

2 Samel 3:29

Maji kar məs neelé tel oso dɔ Joab’g ləm, gə dɔ gel-bɔje’g lə bɔbeeje lai ləm tɔ! Maji kar ŋgaka Joabje lé lal dəw gə́ iŋga rɔko̰ bajal, əsé lal rɔko̰ ba̰ji el ləm, əsé lal njetɔs kag el ləma, əsé lal njekoso ta kiambas’g el ləma, əsé lal njekwəi-yoo-ɓoo nda̰ el ləm tɔ.

2 Mbaije 11:1

Loo gə́ Atali, ko̰ Ahajiaje oo to gə́ ŋgonee wəi ndá yeḛ ḭ ar dee tɔl dee-deḛ lai gə́ to gel-bɔje lə mbai lé.

2 Mbaije 8:27

Yeḛ un dɔ gɔl gel-bɔje lə Akab lad-lad ndá yeḛ ra ne né gə́ majel kəm Njesigənea̰’g to gə́ gel-bɔje lə Akab ra mbata yeḛ taa dené kəi lə Akab, ɔm ne sə dee na̰’d ya.

2 Mbaije 9:27

Ahajia, mbai gə́ Juda lé loo gə́ yeḛ oo ta né neelé ndá yeḛ aḭ gə rəw gə́ mee kəi gə́ to mee ndɔ’g. Jehu kɔré pana: Yeḛ ya kara kṵdáje tɔleeje mee pusu’g to! Bèe ɓa deḛ kundá dɔdərloo gə́ Gur gə́ to mbɔr Jibləam’g dəb. Yeḛ aḭ saar teḛ Megido ɓa wəi keneŋ ɓəi tɔ.

Nehemi 4:5

Njéba̰je lə sí kara pana: J’a gərje taree el ləm, j’a kooje el ləm tɔ saar loo gə́ n’a reeje dan sí’g ndá n’a tɔl síje. N’a raje togə́bè mba kɔg sí ne loo ra kula lé.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 34:7

meenoji ləa to saar-saar mbata lə ŋgaka deeje gə́ tɔl-dɔg-loo kára ləm, yeḛ ar mée oso lemsé dɔ deḛ gə́ néra dee to gə goo rəbee el ləm, gə dɔ njékal dɔ godnduje ləma, gə dɔ kaiya ra dee’g ləm tɔ, nɛ dəw gə́ ta wa dəa mba̰ lé yeḛ a kée gə́ njegelgodo el ləm, a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g ləm, gə ŋgan meḛ ŋgan deeje ləm tɔ saar teḛ ne dɔ ŋgakadɔg deeje’g loo munda əsé loo sɔ bèe ya.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Ləbije 26:39

Deḛ gə́ mbuna sí’d gə́ d’isi kəmba ɓəi lé d’a kunda ndolé mbata lə néra kori-korije lə dee-deḛ ləm, gə ka̰ bɔ deeje-je ləm tɔ.