Pakɔsje 107:7 - Maktub gə́ To gə Kəmee

⁷ Yeḛ ɔr no̰ dee gə goo rəw gə́ danasur Gə mba kar dee teḛ ne ɓee gə́ d’askəm kisi keneŋ lé.

Pakɔsje 107:7 ပူးပေါင်းရင်းမြစ်များ

Nehemi 11:3

Aa oo, mbaije gə́ wɔji dɔ dəb ɓeeko̰je gə́ ree d’isi Jerusalem lé ɓa nee: Mee ɓee-booje’g lə Juda lé, Israɛlje ləm, gə njékinjanéməsje ləm, gə Ləbije ləm, gə njéra kula kəi-Ala’d gə́ raje ləma, gə ŋgaka kuraje lə Salomo̰ ləm tɔ lé, nana kara si loo gə́ to kea̰-kea̰ mee ɓee-boo’g ləa.

Pakɔsje 107:36

Ndá yeḛ ar deḛ gə́ d’isi d’wəi yoo-ɓoo lé d’isi keneŋ ləm, Deḛ ra ɓee-boo d’isi keneŋ ləm tɔ.

Pakɔsje 107:4

Deḛ d’aw yo gə́ nee dɔdilaloo’g ləm, Deḛ njaa gə kar dee ba lal kiŋga ɓee-si dee ləm tɔ.

Pakɔsje 136:16

Yeḛ nja ɔr no̰ koso-dəwje ləa dɔdilaloo’g lé Mbata meekɔrjol ləa lé to saar-saar gə no̰.

Pakɔsje 77:20

I woḭ rəw dan baa-boo-kad’g, I gɔl kila-rəw dan manje gə́ boo’g, Tor gɔlije lé dəw oo gogo el.

Pakɔsje 78:52

Yeḛ ar koso-dəwje ləa d’unda loo teḛ to gə́ badje bèe ləm, Yeḛ ɔn dee dɔdilaloo’g to gə́ koso-nékulje bèe ləm tɔ.

Esai 30:21

Loo gə́ seḭ a gə kawje dɔkɔl əsé dɔgel ndá Mbi sí a koo ndu gə́ ɓar goo sí’g gogo pana: Aa ooje, rəw ɓa nee, njaaje keneŋ!

Esai 32:18

Koso-dəwje ləm d’a si gə́ majee dan meelɔm’g Mee kəije gə́ ŋgəŋ’d Dan loo-kwa-rɔ gə́ néjɔg godo keneŋ.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Jeremi 31:24

Lée neelé Judaje gə ɓee-booje lə deḛ lai ləm, gə njḛ́dɔje ləm, gə deḛ gə́ d’on koso-nékulje ləm tɔ d’a si keneŋ.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Bula lə Israɛlje 9:22

Ɓó lé mum lé aar naŋg dɔ kəi-kubu gə́ to gə kəmee’g lé as ndɔ joo əsé naḭ kára əsé ləb kára kara Israɛlje d’isi d’wa rɔ dee ɓó d’ḭ d’aw el, loo gə́ mum ḭ ɓa deḛ d’ḭ d’aw ɓəi tɔ.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

2 Piɛrə 2:15

Deḛ d’uba kankəm rəw d’ya̰ ɓa d’un rəw goo Balaam, ŋgolə Bosɔr’g gə́ ndigi ta lar-kaiya gə́ deḛ tɔs ne təa lé ndá deḛ ndəm ne.

2 Piɛrə 2:21

Kar dee d’isi gə́ mbəje dɔ rəw meekarabasur’g maji unda kar dee gər rəbee ɓa d’un kəm dee goo godndu gə́ to gə kəmee d’ubá ne d’yá̰ lé tɔ.