Pakɔsje 107:41 - Maktub gə́ To gə Kəmee

⁴¹ Nɛ yeḛ ɔr njéndooje dan nékəmndooje’g lə dee ləm, Yeḛ ar bula lə njémeekəije lə dee ḭ ne dɔ maree’d gə́ kédé-kédé to gə́ koso-nékulje bèe ləm tɔ.

Pakɔsje 107:41 ပူးပေါင်းရင်းမြစ်များ

Gḭ-Néje 48:11

Israɛl ula Jisəb pana: Meem ndaji ta pana: M’a koo kəmi el ŋga nɛ aa oo, Ala am m’oo kəmi ləm, gə kəm ŋgan meeije ləm tɔ.

Maktub gə́ wɔji dɔ Jɔb 21:11

Deḛ d’ar ŋgan deeje d’aiŋgwɔd to gə́ ma̰də badje bèe ləm, Ŋgan deeje tal jagəra-jagəra ləm tɔ.

Maktub gə́ wɔji dɔ Jɔb 36:15

Nɛ Ala aji njenékəmndoo dan nékəmndoo’g ləa ləm, Nékəmndoo ɓa yeḛ ndəjee ne kɔr ləm tɔ.

Maktub gə́ wɔji dɔ Jɔb 42:16

Goo néje’g neelé Jɔb si kəmba as ləb tɔl-dəa-rɔ-sɔ (140) ndá yeḛ oo ŋganeeje ləm gə ŋgan meḛ ŋganeeje ləm saar ŋgakadɔgeeje gə́ njekɔm’g sɔ ləm tɔ.

Maktub gə́ wɔji dɔ Jɔb 5:11

Deḛ gə́ d’ula dɔ dee lé yeḛ unda dɔ dee tar ləm, Deḛ gə́ d’isi dan kəmtondoo’g lé yeḛ ar meḛ dee kul lɔm ləm tɔ.

Maktub gə́ wɔji dɔ Jɔb 8:7

Nékiŋgaje ləi gə́ kédé lé i a tel koo dee gə́ né gə́ lam ba, Ndá njé gə́ d’a gə ree gogo lé a kur dɔ dee’g pubug.

Pakɔsje 128:6

I a koo ŋgan meḛ ŋganije gə kəmi ya. Maji kar meelɔm lé nai dɔ Israɛlje’g ya.

Pakɔsje 78:52

Yeḛ ar koso-dəwje ləa d’unda loo teḛ to gə́ badje bèe ləm, Yeḛ ɔn dee dɔdilaloo’g to gə́ koso-nékulje bèe ləm tɔ.

Gosota-Kəmkàrje 17:6

Ŋgan-meḛ-ŋgan deeje lé to dɔgugu lə ɓugaje ləm, Bɔ-ŋganje lé to nérɔnduba lə ŋgan deeje ləm tɔ.

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.

1 Samel 2:21

Njesigənea̰ ar mée olé dɔ An’g ndá yeḛ əskèm, tɔɓəi oji ŋganje gə́ diŋgam munda gə njé gə́ dené joo goo dee’g ləm tɔ. Nɛ Samel, ŋgon lé ra tɔg no̰ Njesigənea̰’g pir-pir tɔ.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.