Pakɔsje 107:4 - Maktub gə́ To gə Kəmee

⁴ Deḛ d’aw yo gə́ nee dɔdilaloo’g ləm, Deḛ njaa gə kar dee ba lal kiŋga ɓee-si dee ləm tɔ.

Pakɔsje 107:4 ပူးပေါင်းရင်းမြစ်များ

Maktub gə́ wɔji dɔ Jɔb 12:24

Yeḛ tuji négər lə mbaije lə koso-dəwje ləm, Yeḛ ar dee d’ila mbir-mbir dɔdilaloo’g lal rəw-kaw dee ləm tɔ.

Pakɔsje 107:40

Yeḛ ə̰ji dəwje gə́ boo-boo lé bəḭ-bəḭ Ar dee d’aw ne yo-yo nee-nee dɔdilaloo’d Gə́ rəw godo keneŋ.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Ejekel 34:6

Koso-badje lə neḛ ndəm d’ila rima-rima dɔ mbalje’g lai ləm, gə dɔ dɔdərlooje gə́ ḭ tar’g ləm tɔ, koso-badje lə neḛ sanéna̰ gə dɔ ɓeeje lai dɔ naŋg nee, dəw gə́ mée to dɔ dee’g kára kara godo ləm, dəw gə́ njendolè dee kára kara godo ləm tɔ.

Bula lə Israɛlje 14:33

tɔɓəi ŋgan síje d’a kila tar dɔdilaloo’g ləb dee rɔ-sɔ ləm, koo gə́ seḭ oomje gə́ dəw el lé taree a kwa dɔ dee ləm tɔ, saar kar nin sí lai a to naŋg dɔdilaloo’g rib-rib.

Bula lə Israɛlje 32:13

Oŋg lə Njesigənea̰ ḭ səa pu dɔ Israɛlje’g ndá yeḛ ar dee d’ila rima-rima gə́ dɔdilaloo as ləb dee rɔ-sɔ saar kar deḛ lai gə́ ra né gə́ majel kəm Njesigənea̰’g lé d’udu bo̰ ɓa.

Tel tura Godndu 32:10

Yeḛ iŋga dee dɔdilaloo’g, Dan ndu no̰’g lə daje gə́ wala gə́ to ɓəl, Yeḛ aḭ bada dɔ dee’g ləm Yeḛ aa dɔ dee kər-kər ləm tɔ, Yeḛ tɔs kəmee dɔ dee’g Asəna gə ŋgonkəmee bèe,

Tel tura Godndu 8:15

yeḛ gə́ ar sí njaaje dan boo-dɔdilaloo gə́ to ɓəl’g, to loo gə́ lije gə́ to̰ too to gə́ pər bèe to keneŋ ləm, mbai-yḭje to keneŋ ləm, to looje gə́ tudu kurum-kurum gə́ lal mán ndá yeḛ ar mán uba kaar mbal gə́ kədərə’g tir-tir mbata lə sí ləma,

Ǝbrəje 11:38

Njé gə́ naŋg nee d’askəm kas sə dee el, deḛ lé d’aw wur-wur ndag-looje’g ləm, gə dɔ mbalje’g ləm, gə mee bolè mbalje’g ləma, gə kəm godə wəlje’g gə́ dɔ naŋg nee ləm tɔ.

Loo gə́ killa rea kəm Ja̰’g 12:6

Dené lé aḭ aw dɔdilaloo’g par gə́ loo gə́ Ala gɔl loo keneŋ mba̰, mba karee si keneŋ mba kulee keneŋ ndəa tɔl-dɔg-giree-joo gə dəa rɔ-misa̰.