Pakɔsje 107:34 - Maktub gə́ To gə Kəmee

³⁴ Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Pakɔsje 107:34 ပူးပေါင်းရင်းမြစ်များ

Gḭ-Néje 13:10

Lɔt un kəmee gə́ tar ndá yeḛ oo loo gə́ təb mee ndag-loo gə́ Jurdɛ̰ lai gə́ mu idi keneŋ lururu. Kédé gə́ Ala tuji Sɔdɔm gə Gɔmɔr el ɓəi lé, un kudee lé gə́ neelé saar teḛ Soar lé to asəna gə loo-ndɔ lə Njesigənea̰, asəna gə ɓee gə́ Ejiptə bèe.

Gḭ-Néje 13:13

Dəwje gə́ Sɔdɔm lé to njémeeyèrje ləm, gə bao-kaiyaje no̰ Njesigənea̰’g ləm tɔ.

Gḭ-Néje 14:3

Deḛ gə́ ɓar ri dee gogo neelé deḛ d’wa dɔ na̰ mee wəl-loo gə́ Sidiim gə́ to baa-boo-kad gə́ ɓaree baa-Kad lé.

Gḭ-Néje 4:12

Loo gə́ i ndɔ-ndɔ ndá dɔ naŋg a kari né ti el. I a to njekaḭta ləm, gə njekilatar mbir-mbir dɔ naŋg’d nee ləm tɔ.

Pakɔsje 68:7

Deḛ gə́ d’isi gə kar dee ba lé Ala nja ar dee njénojije lə dee ləm, Ɓərje kara yeḛ ar dee d’ɔr dɔ dee kúla’g D’isi ne dan rɔlel’g lé ləm tɔ, Nɛ njékɔsta-rəwje gə kar dee ba ɓa D’isi mee looje gə́ tudu kurum-kurum’g ya.

Jeremi 12:4

See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 5:25

Gə goo néra kori-korije lə sí lé ɓa Loo kai sí ne néje gə lée-lée godo ne ləm, Kaiyaje lə sí lé ɓa ɔg sí loo kiŋga némajije nee ləm tɔ.

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 47:11

Dɔ bɔreeje gə daŋgeeje d’a tel maji nda̰ el nɛ d’a kya̰ dee karee to loo kad.