Pakɔsje 106:9 - Maktub gə́ To gə Kəmee

⁹ Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 106:9 ပူးပေါင်းရင်းမြစ်များ

Nehemi 9:11

I kai baa-boo-kad dana no̰ dee’g Ar dee dəs danee’g loo gə́ tudu kurum-kurum’g, Nɛ deḛ gə́ tuba goo dee lé I ɔs dee ɓugu dee ɓul mán’g To gə́ kɔr mbal gə́ oso ŋguru baa’g bèe.

Pakɔsje 18:15

Yeḛ rɔ ɓandaŋgje ləa sané ne njéba̰je ləm kad-kad, Yeḛ ar ndu ndaŋg lə ndi lé ɔs goo na̰ ŋgɔg-ŋgɔg Sané dee ar dee d’aw ne dɔ na̰’d pum-pum.

Pakɔsje 66:6

Yeḛ tel baa-boo-kad lé aree to naŋg gə́ tudu kurum-kurum ləm, Baa lé kara ar dee dəs keneŋ gə gɔl dee ya ləm tɔ. Ndəa neelé jeḛ lé j’al ne rɔ sí rəa’g ya.

Pakɔsje 78:13

Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 51:10

See to i ɓa ar baa-boo-kad yi ləm, Ar manje gə́ bwa-wəl gə́ uru lé tudu kurum-kurum ləma, Ar ŋgaw dan baa gə́ uru lé Tel to gə́ rəw ar koso-dəwje ləi gə́ i uga dɔ dee lé Dəs keneŋ ləm tɔ lé el wa.

Nahum 1:4

Yeḛ ḭ gə baa-boo-kad aree tudu kurum-kurum ləm, Yeḛ ar mán baaje lai d’yi tə-tə ləm tɔ. Dɔ mbalje gə́ Basan gə Karmel lé d’wəi mbugu-mbugu ləm, Puduje gə́ Liba̰ gəḭ ləm tɔ.

Matiyo 8:26

Yeḛ dəji dee pana: See ban ɓa ɓəlje wa, seḭ njémeekunje gə́ əḭ el. Yen ŋga yeḛ uba naŋg ḭta ndaŋg lel ləm, gə mán baa-boo ləm tɔ ar loo to ndiŋ.