Pakɔsje 106:34 - Maktub gə́ To gə Kəmee

³⁴ Ginkoji dəwje gə́ Njesigənea̰ un ndia mba kar dee tuji dee lé Deḛ tɔl dee el.

Pakɔsje 106:34 ပူးပေါင်းရင်းမြစ်များ

2 Sôrta Gḭka Israɛlje 8:8

ŋgaka deeje gə́ nai goo dee’g mee ɓee’d gə́ Israɛlje tuji dee el lé Salomo̰ ar dee to dəwje gə́ njéra kula gə́ raje saar teḛ mee ndɔ gə́ ɓogənè.

Bula lə Israɛlje 33:52

Seḭ a tubaje njéɓeeje neelé no̰ sí’g ləm, seḭ a tujije magəje lə dee gə́ ra dee gə mbal ləm, gə néndajije lə dee gə́ léḛ ləma, seḭ a tujije loo-pole-magje lə deḛ lai gə́ to dɔ diŋgri-looje’g lé ləm tɔ.

Tel tura Godndu 7:16

Seḭ a tɔlje koso-dəwje lai gə́ Ala lə sí gə́ Njesigənea̰ ɔm dee ji sí’g lé, seḭ a kunje kəm sí rəw dɔ dee’g lal koo ne kəmtondoo lə dee ləm, a raje né kar magəje lə dee el ləm tɔ mbata a tel to gum kwa sí ya.

Tel tura Godndu 7:2

loo gə́ Ala lə sí gə́ Njesigənea̰ a kɔm dee ji sí’g kar sí tuji deeje lai lé ndá seḭ a tuji deeje mbad-mbad ya ɓó seḭ a manje rɔ sí gə mba kɔmje sə dee na̰’d el ləma, seḭ a raje sə dee meemaji el ləm tɔ.

Jujé 15:63

Judaje lé d’askəm tuba njé gə́ Yebus gə́ d’isi Jerusalem lé el ndá d’ar njé gə́ Yebus d’isi gə Judaje Jerusalem saar teḛ ne mee ndɔ gə́ ɓogənè lé tɔ.

Jujé 16:10

Deḛ tuba Kana̰je gə́ d’isi Gejer el ndá d’ar Kana̰je d’isi mbuna Eprayimje’g saar teḛ ne mee ndɔ gə́ ɓogənè, nɛ deḛ d’ar dee d’uga dɔ rɔ dee ɓa d’isi ne ɓəi.

Njéga̰g-Rəwtaje 1:19

Njesigənea̰ nai gə Judaje, ndá Judaje dum dɔ dee-deḛ gə́ d’isi kaar mbal’g neelé nɛ deḛ d’as tuba dəwje gə́ d’isi ndag-loo’g lé el mbata pusu-rɔje lə deḛ gə́ ra gə larndul to keneŋ.

Njéga̰g-Rəwtaje 1:21

Bḛjamije tuba Yebusje gə́ d’isi Jerusalem lé el ndá Yebusje d’isi gə Bḛjamije na̰’d Jerusalem saar teḛ mee ndəa gən tɔ.

Njéga̰g-Rəwtaje 2:2

Seḭje kara seḭ a manje rɔ sí karje njéɓeeje gə́ nee el ndá seḭ a tɔsje loo-nékinjanéməsje lə dee ɓa tilaje ya. Nɛ seḭ ilaje ŋgonkoji dɔ tapam’g el. See gelee ban ɓa seḭ raje ne né gə́ togə́bè lé wa.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.