Pakɔsje 106:23 - Maktub gə́ To gə Kəmee

²³ Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Pakɔsje 106:23 ပူးပေါင်းရင်းမြစ်များ

Maktub gə́ wɔji dɔ Jɔb 35:8

Meeyèr a kaskəm jɔg dəw mari ba ya ləm, Néra gə́ gə dɔ najee ləi kara to né gə́ maji mbata dəw ba ya ləm tɔ.

Pakɔsje 105:26

Yeḛ ula Moyis, kura ləa Deḛ gə Aaro̰ gə́ yeḛ nja ɔr dee.

Pakɔsje 105:6

Arje meḛ sí olé dɔ nédumkooje gə́ yeḛ ra lé ləm, Gə dɔ némɔrije gə́ yeḛ ra ləma, Gə rəwta-gaŋgje ləa gə́ teḛ təa’g lé ləm tɔ.

Teḛ-Raga 32:32

Ɓasinè ar məəi oso lemsé dɔ kaiya’g lə dee kɔgərɔ kari ya! Ɓó lé togə́bè el ndá ma m’ra ndòo rɔi’g mba kari tuji rim mee maktub’g ləi gə́ i nja ndaŋg lé.

Jeremi 5:1

Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Ejekel 13:5

Seḭ aarje mba gɔl kəm ndògo-bɔrɔje gə́ ta̰ lé el ləm, seḭ raje ndògo-bɔrɔ guguje ne dɔ gel-bɔje lə Israɛl mba kaar ne njaŋg loo-rɔ’g mee ndɔ’g lə Njesigənea̰ el ləm tɔ.

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Bula lə Israɛlje 16:5

Yeḛ ula Koré gə kudu-dəwje ləa lai pana: Bèlè ɓa, Njesigənea̰ a tɔji sí dəw gə́ to gə́ kea̰ ləm, gə yeḛ gə́ to gə kəmee ləm tɔ ndá yeḛ a karee rəm pər gə́ rəa’g, dəw gə́ yeḛ nja mberee lé yeḛ a karee rəm pər gə́ rəa’g ya.

Matiyo 12:18

Aa oo, kura ləm nee gə́ m’ɔree kəm’g lé M’undá dan kəm’g m’ar məəm lelm dəa’g tɔ. M’a kɔm ndiləm dəa’g yəm Ndá yeḛ a kila mber ta gə́ to gə dɔ najee lé kar ginkoji dəwje gə raŋg.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 15:19

Ɓó lé seḭ toje gə́ naŋg nee ndá naŋg neelé né kea̰ ɓa a ndigi ya, nɛ seḭ toje gə́ naŋg nee el mbata ma nja ma m’kɔd sí mbuna njé gə́ naŋg nee’g, yee ɓa njé gə́ naŋg nee d’wa sí gə meḛ dee gə mbəa.

Tel tura Godndu 10:10

Ma m’isi dɔ mbal’g neelé ndɔm rɔ-sɔ dan kàrá gə loondul’g to gə́ kédé lé. Njesigənea̰ oo ndukwɔi ləm ya tɔɓəi, bèe ɓa Njesigənea̰ ndigi tuji sí ne el.

Tel tura Godndu 9:19

Mbata m’unda bala tigi-tigi loo gə́ m’oo oŋg gə meekḭ pu lə Njesigənea̰ gə́ ḭ səa dɔ sí’g saar mba karee tuji sí ne lé. Nɛ Njesigənea̰ oo tamaji ləm ya ɓəi.

Tel tura Godndu 9:25

M’oso naŋg rəb m’dəb kəm naŋg no̰ Njesigənea̰’g, ndɔm rɔ-sɔ dan kàrá gə loondul’g mbata Njesigənea̰ pana neḛ ndigi tuji sí.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.