Pakɔsje 106:19 - Maktub gə́ To gə Kəmee

¹⁹ Deḛ léḛ lar ndaji ne ŋgon maŋg dɔ mbal gə́ ria lə Oreb’g Ndá deḛ d’unda barmba no̰ né gə́ lèḛ ndaji ne magə neelé.

Pakɔsje 106:19 ပူးပေါင်းရင်းမြစ်များ

Teḛ-Raga 32:35

Njesigənea̰ ar bo̰ néra dəwje neelé ɔs ta dee’g mbata deḛ léḛ néndaji ŋgon maŋg gə́ Aaro̰ ɓa ra ar dee lé.

1 Njé gə́ Kɔrḭtə 10:7

Maji kar sí toje njépole-magəje to gə́ njé gə́ na̰je gə́ mbuna dee’g lé el. To gə́ deḛ ndaŋg mee maktub’g pana: Koso-dəwje d’isi naŋg gə mba sɔ gə kai ɓa gə mba kuba loo kḭ ndam ɓəi.

Néra Njékaḭkulaje 7:41

Mee ndəa’g neelé deḛ léḛ né ndaji ne ŋgon maŋg ndá d’inja néməs d’ar magə lé ləm, d’al rɔ dee wɔji dɔ né gə́ deḛ ra gə ji dee lé ya ləm tɔ.

Nehemi 9:18

Loo gə́ deḛ léḛ lar ndaji ne ŋgon maŋg Pa ne pana: To Ala lə neḛje Gə́ ar neḛje n’undaje loo mee ɓee gə́ Ejiptə teḛje lé Deḛ ra néje gə́ yèr d’ila ne boo-rɔkul dɔi’g ya.

Tel tura Godndu 9:21

Ma m’un néndaji gə́ to ŋgon maŋg gə́ seḭ raje to gə́ né gin kaiya lə sí, m’roo saar m’kunda pɔs-pɔs m’tɔ saar m’aree tel asəna gə nduji bèe ndá m’ɔm ndujee neelé dan mán gə́ ḭ dɔ mbal’g ula gə́ naŋg.

Tel tura Godndu 9:8

Kaar mbal gə́ Orɛb’g lé seḭ ɔsje kudu oŋg lə Njesigənea̰ keneŋ, oŋg ḭ gə Njesigənea̰ pu aree ə̰ji mée’g gə mba tuji sí ne.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Tel tura Godndu 9:19

Mbata m’unda bala tigi-tigi loo gə́ m’oo oŋg gə meekḭ pu lə Njesigənea̰ gə́ ḭ səa dɔ sí’g saar mba karee tuji sí ne lé. Nɛ Njesigənea̰ oo tamaji ləm ya ɓəi.