Pakɔsje 104:34 - Maktub gə́ To gə Kəmee

³⁴ Maji kar tapam neelé taa kəmi rəgm! Ma lé m’ndigi ndá məəm kaḭ dɔ Njesigənea̰’g.

Pakɔsje 104:34 ပူးပေါင်းရင်းမြစ်များ

Gḭ-Néje 24:63

Ndɔ kára bèe kàrkemetag, Isaak aw mee ndɔ’g gə mba la̰ji ta mée’g. Yeḛ un kəmee gə́ tar aa loo ndá yeḛ oo jambalje gə́ d’aw ree.

Pakɔsje 1:2

Nɛ yeḛ ndá mée kaḭ dɔ godndu Njesigənea̰’g ləm, Yeḛ la̰ji toree mée’g dan kàrá gə loondul’g ləm tɔ.

Pakɔsje 105:3

Ndubaje rɔ sí ká gə ria gə́ to gə kəmee doi lé, Maji kar deḛ lai gə́ saŋg loo gər Njesigənea̰ lé ndá ne meḛ dee kaḭ.

Pakɔsje 119:111

Tornduije lé to gə́ nénduba ləm gə́ to saar gə no̰, Mbata deḛ to né gə́ m’ndá məəm kaḭ dɔ’g.

Pakɔsje 119:167

Ma m’aa dɔ tornduije gə́ i wɔji lé ləm, M’unda dee dan kəm’g ya ləm tɔ.

Pakɔsje 32:11

Seḭ njémeekarabasurje lé Maji kar sí alje rɔ sí gin Njesigənea̰’g ləm, Sije dan boo-rɔkal’g ləm tɔ! Seḭ lai gə́ meḛ sí to kára ba sur lé Ɔrje ndu sí gə́ tar gə rɔlel!

Pakɔsje 35:9

Nɛ ma lé m’a ndá məəm kaḭ dɔ Njesigənea̰’g ləm, Kaji gə́ yeḛ ajim lé m’a kal ne rɔm ya ləm tɔ.

Pakɔsje 77:12

M’a kar məəm olé dɔ néraje’g lə Njesigənea̰ ya, Mbata məəm olé dɔ néraije gə́ maji dum gə́ ləw ya.

Pakɔsje 9:2

M’a pidi Njesigənea̰ gə ŋgaw məəm bura ləm, M’a kɔr sor boo-néraije lai gə́ maji dum ləm tɔ.

Gosota-Kəmkàrje 24:14

Nɛ maji kari gər kəmkàr mbata kankəmrɔi kara togə́bè tɔ, Ɓó lé i iŋga ndá ndɔ gə́ bèlè to gən ləm, Nékunda-mee-yel dɔ’g ləi lé a kudu bo̰ el tɔ.

Lugu 1:47

Ndiləm ra rɔlel dɔ Ala lé gə́ njekajim’g.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Loo gə́ killa rea kəm Ja̰’g 10:10

M’taa ŋgon maktub lé ji kura gə́ dara lé m’uru ndá lel tam’g asəna gə ubu tə̰ji, nɛ loo gə́ m’uru mba̰ ndá loo gə́ məəm’g adə mbag-mbag.