Pakɔsje 104:32 - Maktub gə́ To gə Kəmee

³² I ila kəmi dɔ naŋg’d ndá naŋg lé yə, I ɔrɔ rɔ mbalje gə ŋgaw jii ndá Sa uba keneŋ ŋgɔg-ŋgɔg.

Pakɔsje 104:32 ပူးပေါင်းရင်းမြစ်များ

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 144:5

Njesigənea̰, maji kari rəm gə dara ləi gə́ naŋg ɓó gə ur ne naŋg, Ɔrɔ ne mbalje gə ŋgaw jii gə mba kar sa uba keneŋ ŋgɔg-ŋgɔg.

Pakɔsje 50:3

Ala lə sí lé si ree Ɓó yeḛ si dɔ mundu el, Loo gə́ nea̰’g lé pər o̰ kənənə-kənənə ləm, Loo gə́ gugu dəa sub lé kara lel-boo ula mbḭ-mbḭ ləm tɔ.

Pakɔsje 77:16

Mbɔl dɔ jii ɓa i taa ne dɔ dəwje ləi, Deḛ gə́ to ŋgalə Jakob gə Jisəb.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Amɔs 8:8

See gelee gə́ nee ɓa, dɔ naŋg neelé a yə ne el wa. See njéɓeeje d’a si ne dan kəmndooyoo’g el wa. Naŋg neelé bura a kḭ asəna gə baa bèe ləm, Yee a kḭ ləm, a rəm ləm tɔ Asəna gə baa gə́ Ejiptə bèe.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Loo gə́ killa rea kəm Ja̰’g 19:3

Deḛ pa gə́ gɔl joo ɓəi pana: Aleluia! Ndá sa pər ləa tuu gə ləbee-ləbee saar gə no̰.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.