Pakɔsje 104:14 - Maktub gə́ To gə Kəmee

¹⁴ I ar mu uba mbata lə nékulje ləm, I ar kamnaḭje d’uba gə mba kar dəw ul ne rəa ləm tɔ Mba kar naŋg kinja gə nésɔ ləm,

Pakɔsje 104:14 ပူးပေါင်းရင်းမြစ်များ

Gḭ-Néje 2:5

ŋgon kag gə́ rḛdeŋ bèe kara to dɔ naŋg nee lé el ɓəi ləm, kam kára kara uba loo-ndɔ’g el ɓəi ləm tɔ. Mbata Njesigənea̰ Ala ar ndi ər dɔ naŋg nee el ɓəi ləm, dəw gə́ njendɔ dɔ naŋg neelé kara godo ɓəi ləm tɔ.

Gḭ-Néje 2:9

Njesigənea̰ Ala ar kagje gə́ gə gel dee gel deḛ lai d’uba dɔ naŋg’d lé, njé gə́ maji kəm dəw’g ləm, gə njé gə́ maji gə́ ka̰ sɔ ləm tɔ. Kag kəmə lé to dan loo-ndɔ’g lé dana bab ləm, kag gə́ wɔji dɔ gər né gə́ maji əsé né gə́ majel kara to keneŋ ləm tɔ.

Gḭ-Néje 3:18

Naŋg lé a kinja gə kunje gə ŋgarje kari, Tɔɓəi kam néje gə́ mee ndɔ’g a to gə́ nésɔi tɔ.

Gḭ-Néje 4:12

Loo gə́ i ndɔ-ndɔ ndá dɔ naŋg a kari né ti el. I a to njekaḭta ləm, gə njekilatar mbir-mbir dɔ naŋg’d nee ləm tɔ.

Gḭ-Néje 9:3

Néje lai gə́ d’aw kəmba lé d’a to gə́ nésɔ sí ya, ma m’ar sí néje neelé lai to gə́ ma m’ar sí mbi kamnaḭje bèe tɔ.

1 Mbaije 18:5

Akab ula Abdias pana: Aw mee ɓeeje’g lai aw saŋg kəm-rəw-manje ləm, gə kəm-ma̰je ləm tɔ, banelə a kiŋga mu gə́ j’a ŋgəm ne kundaje gə kundaje-mulayḛ̀jeje lə sí keneŋ, bèe ɓa mba kar nékulje lə sí d’wəi ne el.

Maktub gə́ wɔji dɔ Jɔb 28:5

Naŋg gə́ muru ḭ keneŋ lé Gelee gə́ uru gə́ naŋg tuji to gə́ pər ɓa roo bèe.

Maktub gə́ wɔji dɔ Jɔb 38:27

Gə mba karee yɔm looje gə́ wa ŋgɔ njag-njag gə́ tudu kurum-kurum ləm, Gə mba kar muje d’uba d’ḭ ma̰də keneŋ ləm tɔ lé wa.

Pakɔsje 136:25

Néje lai gə́ d’aw kəmba lé Yeḛ nja ar dee nésɔ dee Mbata meekɔrjol ləa lé to saar-saar gə no̰.

Gosota-Kəmkàrje 27:25

Moré godo ɓa mu gə́ təb idi ɓəi, Ndá mbo̰ mu nékulje gə́ dɔdḭje’g tɔ.

Joɛl 2:22

Seḭ daje gə́ wala lé ɓəlje el Mbata ndag-looje gə́ dɔdilaloo’g lé D’a tel kidi gogo ləm, Kagje d’a kandə gə kandə dee njim-njim ləma, Kag-kodé gə kag-nduú d’a kar sí nébaoje lə dee ləm tɔ.

1 Njé gə́ Kɔrḭtə 3:7

Bèe ndá dəw gə́ njedubu né to gə́ njea el ləm, dəw gə́ njesaa mán dɔ’g kara to gə́ njea el ləm tɔ. Nɛ Ala gə́ njekaree teḛ mbi gə teḛ boo lé ɓa to gə́ njeaje.

Tel tura Godndu 11:15

m’a kar mu uba mee ndɔje’g lə sí mbata lə nékulje lə sí ndá seḭ a sɔje né karee as sí nag-nag ya.