Pakɔsje 103:5 - Maktub gə́ To gə Kəmee

⁵ Loo gə́ i ɓuga mba̰ kara Yeḛ nja ɓa ar némajije ləa rusu loo rɔi’g ləm, Yeḛ ar rɔi tel idi ne gogo pug-pug Asəna gə rɔkwɔilɔ lə niŋgatə̰də bèe ləm tɔ.

Pakɔsje 103:5 ပူးပေါင်းရင်းမြစ်များ

Maktub gə́ wɔji dɔ Jɔb 33:25

Bèe ɓa darəa tel idi pug-pug to gə́ kaw basa ləa bèe ləm, Yeḛ tel dɔ ndɔ kaw basa’g ləa ləm tɔ.

Pakɔsje 104:28

I ar dee ndá deḛ taa ya ləm, I teḛ meḛ jii ar dee ndá Nésɔ as dee nag-nag ləm tɔ.

Pakɔsje 107:9

Mbata dəw gə́ si wəi yoo-kunda lé Yeḛ nja aree né gə́ yeḛ aw ndée ləm, Dəw gə́ wəi yoo-ɓoo lé kara Yeḛ ar némajije ləa taa rəa pəl-pəl ləm tɔ.

Pakɔsje 23:5

I wa dɔ gɔl nésɔ unda nɔm’g Kəm njéba̰je’g ləm, I wa dɔm gə ubu ləm, Ŋgo-kai-ma̰ ləm lé Man rusu tub ləm tɔ.

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Pakɔsje 65:4

Néra gə́ kori-korije lé al dɔm sula ya, I a kar məəi ti mbidi dɔ kaltaje’g lə sí.

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Ojee 2:15

N’a kar bo̰ nérea ɔs təa’g Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm, Gə loo gə́ yeḛ ɔm ne ŋgamaje gə mərje rəa’g ləma, Gə mbata kaw gə́ yeḛ aw goo njéto səa’gje Ar mée wəi ne dɔ neḛ’g ləm tɔ, Njesigənea̰ ɓa pa bèe.

2 Njé gə́ Kɔrḭtə 4:16

Gelee gə́ nee ɓa meḛ sí ila ne kas el. Ɓó lé dakasrɔ sí gə́ raga ya̰ maree yag-yag ndá kara rɔ sí gə́ kəi lé ɔs udu kəm rɔ sí’g red-red gə ndəa-ndəa.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

Jujé 14:11

Siŋgam to kɔgərɔ-kɔgərɔ ya ɓəi to gə́ mee ndəa gə́ Moyis ulam ne lé ya, siŋgam to to gə́ kédé ya ɓəi gə mba kɔr rɔ kaw rɔ ləm, əsé gə mba kunda loo teḛ raga əsé mba tel ree kəi gogo ləm tɔ.