Pakɔsje 103:14 - Maktub gə́ To gə Kəmee

¹⁴ Mbata né gə́ yeḛ uba unda sí ne lé yeḛ gər gao, Yeḛ ar mée olé dɔ’g to gə́ jeḛ n’toje gə́ nduji naŋg ya.

Pakɔsje 103:14 ပူးပေါင်းရင်းမြစ်များ

Gḭ-Néje 2:7

Njesigənea̰ Ala ra dəw gə nduji naŋg. Yeḛ tó kəmə gə́ ka̰ si kəmba rəw əmee’g ndá dəw lé tel to dəw gə́ si kəmba ya.

Gḭ-Néje 3:19

I a kinja təd ŋgo nɔḭ’g bur ɓa A sɔ né ɓəi Saar i a kandə ne naŋg gogo Loo gə́ i ḭ keneŋ lé, Mbata i to nduji naŋg Ndá i a tel to nduji naŋg gogo ya tɔ.

Maktub gə́ wɔji dɔ Jɔb 10:9

Maji kari ar məəi olé dɔ’g to gə́ a̰ji ɓa i ubam ne, See i a ndigi telm gə́ nduji naŋg gogo wa.

Maktub gə́ wɔji dɔ Jɔb 13:25

See i ndigi kula kəm kam gə́ lel unee aw səa lé ndòo ɓəi wa. Esé see i ndigi kɔr mu gə́ tudu lé ɓəi wa.

Maktub gə́ wɔji dɔ Jɔb 7:21

See gelee ban ɓa i ar məəi oso lemsé dɔ kaiya’g ləm el ləm, I ar məəi wəi dɔ néra kori-korije’g ləm el ləm tɔ wa. Mbata ɓasinè m’a gə to babur’g. I a saŋgəm nɛ a koom el tɔ.

Pakɔsje 89:47

Ǝi Njesigənea̰, see ndɔ gə́ ra ɓa i a kunda ŋgaŋ kiya rɔi wa. See ndɔ gə́ ra ɓa oŋg ləi a kəw ko̰ to gə́ pər bèe wa.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Esai 29:16

See dɔkədərə lə sí to gə́ ban ɓa bèe wa! See d’a koo njekubajo asəna gə a̰ji wa Mba kar né gə́ yeḛ ra lé pana: Yeḛ ɓa ra neḛ el wa. Esé mba kar jo ula njekubá pana: I lé gosonégər ləi godo see a pa bèe ya wa.