Pakɔsje 103:1 - Maktub gə́ To gə Kəmee

¹ Pakɔs lə Dabid. Ŋgaw məəm, maji kari unda no̰ dɔkaisəgərə lə Njesigənea̰, Maji kar rɔm bura lé pidi ria gə́ to gə kəmee ɓəd lé ya.

Pakɔsje 103:1 ပူးပေါင်းရင်းမြစ်များ

Pakɔsje 103:22

Seḭ kula reaje lai lé Undaje no̰ dɔkaisəgərə lə Njesigənea̰ Gə looje lai-lai gə́ yeḛ dum dɔ loo keneŋ. Ŋgaw məəm, maji kari unda no̰ dɔkaisəgərə lə Njesigənea̰!

Pakɔsje 104:1

Ŋgaw məəm, maji kari unda no̰ dɔkaisəgərə lə Njesigənea̰! Njesigənea̰, Ala ləm, boo ləi rudee godo. Né gə́ bə̰dərə bə̰ gə boo-ronduba lé I dolè ne rɔi yul-yul.

Pakɔsje 111:1

Pidije Njesigənea̰. M’a kɔs gaji Njesigənea̰ gə ŋgaw məəm bura Loo-kwa-dɔ-na̰’g lə dəwje gə́ njéra nédanaje ləm, Gə loo-mbo̰-dɔ-na̰’g lə koso-dəwje ləm tɔ.

Pakɔsje 138:1

Pakɔs lə Dabid. M’ɔs gajii gə ŋgaw məəm bura ləm, Pa kila riɓar dɔi’g lé Ma m’ɔs nɔḭ’g ləm tɔ.

Pakɔsje 145:1

Pakɔs pidi lə Dabid. Ǝi Ala ləm, i gə́ to mbai ləm lé, M’a kula rɔnduba dɔi’g ləm, M’a kar dɔ rii ai səgərə ta-ta saar gə no̰ ya ləm tɔ.

Pakɔsje 47:7

Maji kar sí ɔsje pa arje Ala, Ɔsje pa areeje! Maji kar sí ɔsje pa arje mbai lə sí, Ɔsje pa areeje ya!

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Pakɔsje 99:3

Maji kar dee d’ila riɓar dɔ rii gə́ boo’g Gə́ to ɓəl kədm-kədm’g, Yeḛ lé to Njerɔkunda.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Tagə́maji gə́ Ja̰ ndang 4:24

Ala to Ndil, bèe ɓa deḛ gə́ ndigi kwá meḛ dee’g lé maji kar dee d’wá meḛ dee’g gə Ndil ləm, gə kankəmta ləm tɔ.

1 Njé gə́ Kɔrḭtə 14:15

See m’a ra ban ɓəi wa. M’a ra tamaji gə ndiləm bura ya nɛ m’a ra gə kəmkàree tɔ. M’a kɔs pa gə ndiləm bura ya nɛ m’a kɔs pa gə kəmkàree tɔ.

Njé gə́ Pilibə 1:9

Aa ooje, né gə́ ma m’kwɔi Ala loo ra tamaji’g ləm ɓa to nee: Maji kar meenoji lə sí ḭ dɔ maree’g gə́ kédé-kédé gə goo négər ləm, gə goo gosonégər ləm tɔ

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.