Pakɔsje 102:20 - Maktub gə́ To gə Kəmee

²⁰ Mbata yeḛ si loo ləa gə́ to tar sab gə́ wɔji dɔ meenda ləa Aa ne loo gərərə ləm, Njesigənea̰ lé si sém dara gə́ tar nu ya Ila kəmee oo ne loo gə́ dɔ naŋg nee ləm tɔ

Pakɔsje 102:20 ပူးပေါင်းရင်းမြစ်များ

2 Mbaije 13:4

Nɛ Joakas ra ndòo rɔ Njesigənea̰’g mba kar mee oso naŋg po̰ dɔ dee’g. Ndá Njesigənea̰ ilá keneŋ mbata kula gə́ mbai gə́ Siri ula kəm Israɛlje ndòo lé yeḛ oo gao ya.

Maktub gə́ wɔji dɔ Jɔb 24:12

Ndu no̰ lə dəwje gə́ d’isi ta yoo’g mee ɓee-boo’g ɓar wəl ləm, Deḛ gə́ d’iŋga doo kara d’ila ndu dee naŋg wəl ləm tɔ. Ala un mbia dɔ néra kərm-kərm’g lə dee lé rəw.

Pakɔsje 146:7

Deḛ gə́ d’orè dɔ dee naŋg lé Yeḛ ɔr kəm ta lə dee gə goo rəbee ləm, Deḛ gə́ ɓó tɔl dee lé Yeḛ ar dee nésɔ dee ya ləm tɔ, Njesigənea̰ lé taa dɔ deḛ gə́ d’wa dee gə́ ɓər lé.

Pakɔsje 79:11

Maji kar ndu tuma̰je lə ɓərje lé aw saar teḛ rɔi’g! Maji kari aji deḛ gə́ d’a gə kudu gə goo jii gə́ ɓar mèr-mèr lé!

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Tel tura Godndu 26:15

I gə́ si loo-sii’d gə́ to gə kəmee mee dara’g lé maji kari aa loo oo ndá, tɔr ndui dɔ koso-dəwje’g ləi gə́ Israɛl ləm, gə dɔ ɓee gə́ i ar sí to gə́ i man ne rɔi ar bɔ síje-je lé ləm tɔ, ɓee neelé to ɓee gə́ mbà gə ubu tə̰ji to keneŋ yaa̰ ya.