Pakɔsje 102:14 - Maktub gə́ To gə Kəmee

¹⁴ I a kuba naŋg kḭ tar Koo ne kəmtondoo lə njé gə́ Sio̰ ya, Mbata ndɔ koo kəmtondoo lə deḛ gə́ i wɔji njaŋg lé Kàree teḛ mba̰,

Pakɔsje 102:14 ပူးပေါင်းရင်းမြစ်များ

Esdras 1:5

Yen ŋga, mbai dɔ gel-bɔje lə Judaje gə Bḛjamije ləm, gə njékinjanéməsje ləma, gə Ləbije ləm tɔ lé deḛ lai gə́ Ala ɔs dee ɓɔḭ-ɓɔḭ lé ndá d’uba naŋg d’ḭ gə mba kaw Jerusalem kaw ra kəi lə Njesigənea̰ keneŋ tɔ.

Esdras 7:27

Maji kar dɔ ri Njesigənea̰ Ala lə bɔ síje-je ai səgərə, yeḛ gə́ gɔl mee mbai aree ə̰ji mba kula ne rɔnduba dɔ kəi’g lə Njesigənea̰ gə́ to Jerusalem lé.

Nehemi 1:3

Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Nehemi 2:3

Ndá m’tel m’ila mbai’g lé m’pana: Maji kar mbai si kəmba saar-saar gə no̰ ya. Loo gə́ ɓee-boo gə́ dɔɓar bɔmje-je to keneŋ lé tuji ləm, pər o̰ tarəwkɔgje ləa ləm tɔ ŋga see kəm a to ndòo el ba̰ ɓəi wa.

Nehemi 4:10

Un kudee mee ndəa’g neelé ges kuraje ləm ɓa ra kula ndá ges deeje gə́ raŋg lé d’aar gə niŋga-ndəije ləm, gə dərje ləm, gə ɓandaŋgje ji dee’g ji dee’g ləma, gə kubu-rɔje ləm tɔ. Deḛ gə́ to ŋgan-mbaije lé d’ɔm na̰’d sad gə gel-bɔje lə Judaje lai ya.

Nehemi 4:2

Ndá deḛ lai d’ɔm na̰’d gə mba ree rɔ gə Jerusalem mba tuji ne meḛ dəwje gə́ ra kula neelé.

Nehemi 4:6

Nɛ Jibje gə́ d’isi mbɔr dee’g dəb lé ree ndəji sí kɔr as gɔl dɔg dɔ looje gə́ njéba̰je lə sí d’a gə kḭ keneŋ ree rɔ sí’g lé.

Pakɔsje 119:126

Kàree as gə mba kar Njesigənea̰ ra né ya, Mbata deḛ d’al ta ta godndui’g.

Pakɔsje 79:1

Pakɔs lə Asap. Ǝi Ala, Ginkoji dəwje gə raŋg lé aa loo pəl-pəl dɔ nédɔji’g ləi ləm, Kəi ləi gə́ to gə kəmee doi lé d’ila ndɔl dɔ’g ləma, Jerusalem kara d’aree tel to gə́ kɔr mbalje Gə́ d’wa kugu dɔ na̰’d bèe ləm tɔ.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Jeremi 29:10

Nɛ aa ooje, ta gə́ Njesigənea̰ pa ɓa nee: Loo gə́ ləb gə́ rɔ-siri gə́ wɔji dɔ Babilɔn a dəs mba̰ ndá m’a kar məəm olé dɔ sí’g ləm, m’a kar tagə́maji ləm gə́ m’pa m’wɔji ne dɔ sí lé aw lée’g béréré mba tel sə sí lée’g neelé gogo ləm tɔ.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Rudu 1:6

Togə́bè Naomi gə məmeeje-je lé d’ḭ gə mba kya̰ ɓee gə́ Moab lé mbata loo gə́ yeḛ si Moab ɓəi lé yeḛ oo to gə́ Njesigənea̰ ila kəmee dɔ dəwje’g ləa ar dee ne nésɔ tɔ.