Pakɔsje 102:13 - Maktub gə́ To gə Kəmee

¹³ Nɛ i Njesigənea̰ lé o̰ ɓee saar-saar gə no̰ ya, Kolé mee dɔi’g a to mbuna ŋgaka dəwje’d gə́ kédé-kédé ya.

Pakɔsje 102:13 ပူးပေါင်းရင်းမြစ်များ

Pakɔsje 135:13

Njesigənea̰, rii lé to saar-saar gə no̰, Njesigənea̰, meḛ ginka dəwje-dəwje lé olé dɔi’d gə́ kédé-kédé ya.

Pakɔsje 44:26

Mbata ŋgaw meḛ sí təd mán dan babur’g ləm, Darɔ sí kara ula naŋg lururu ləm tɔ.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Pakɔsje 7:6

Maji kar njeba̰ ləm kɔrəm saar iŋgam ləm, Maji karee tubam naŋg mbajila-mbajila ləma, Maji karee ila riɓar ləm dan babur’g ya ləm tɔ.

Pakɔsje 75:2

Ǝi Ala, jeḛ m’pidiije, jeḛ m’pidiije ya, Jeḛ m’ɓarje ne rii ta sí’g wəl-wəl ləm, J’ilaje mbər néraije gə́ maji dum ya ləm tɔ.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Pakɔsje 92:9

Ǝi Njesigənea̰, i lé to Njekurdɔloo Gə́ si saar-saar gə nɔḭ ya.

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Esai 14:32

See ta ɗi ɓa d’a kila dəwje gə́ d’ula dee’g lé wa. Ta gə́ kəm kula dee ɓa nee: Njesigənea̰ tum gel Sio̰ Ar koso-dəwje ləa gə́ to njénékəmndooje D’iŋga loo mba kula dɔ dee keneŋ.

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Loo gə́ killa rea kəm Daniel’g 12:9

Yeḛ tel ilam keneŋ pana: Daniel, maji kari ɔd aw mbata taje neelé d’a to loo-kiya’g ləm, d’a rḛdə ta dee mbiao̰ ləm tɔ saar teḛ ne ndɔ gə́ rudu’g lé ɓa.

Néra Njékaḭkulaje 1:7

Yeḛ tel ila dee keneŋ pana: Bɔm nja wɔji ndəa gə kàree to gə́ mée ndigi ɓó to ta lə sí-seḭ ɓa gə mba gər ndəa əsé kàree el.

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

2 Piɛrə 3:12

Maji kar sí ŋginaje ndɔ ka̰ Ala lé ndiŋgaje ne rɔ sí karee teḛ kalaŋ ya. Ndəa neelé pər a roo ne néje gə́ pən dara’g dula-dula kar dee ndiri njigi-njigi léḛ lé.

2 Piɛrə 3:8

Seḭ gə́ ma m’unda sí dan kəm’g lé ta kára nee ɓa ma m’ndigi kar meḛ sí wəi dɔ’g el: No̰ Mbaidɔmbaije’g lé ndɔ gə́ kára ba lé to asəna gə ləb gə́ tɔl-dɔg kəmee’g ləm, ləb gə́ tɔl-dɔg lé to asəna gə ndɔ gə́ kára ba kəmee’g ləm tɔ.