Pakɔsje 101:6 - Maktub gə́ To gə Kəmee

⁶ Majikojije gə́ mee ɓee’g neelé m’a korè kəm ndəŋ dɔ dee’g Gə mba kar dee d’isi ne mbɔrm’g dəb, Yeḛ gə́ njaa rəw gə́ danasur lé ndá Yeḛ a to kura ləm ya tɔ.

Pakɔsje 101:6 ပူးပေါင်းရင်းမြစ်များ

Pakɔsje 119:63

Ma lé m’wa baokura gə deḛ lai gə́ ɓəli ləm, Gə deḛ gə́ d’aa dɔ ndukunje ləi kər-kər lé ləm tɔ.

Pakɔsje 15:4

Dəw gə́ to kḛji lé Yeḛ ée gə kəm dɔbee, Nɛ deḛ gə́ ɓəl Njesigənea̰ lé ɓa Yeḛ ila riɓar dɔ dee’g. Loo gə́ yeḛ un ndia gə rɔkubu ɓa kədərə səa kara Yeḛ pa njaŋg ɓó yeḛ tel gə ndia gogo el.

Pakɔsje 34:15

Maji kari unda rɔi ɓad dɔ néra gə́ majel’g ndá Ra né gə́ maji ləm, Maji kari saŋg meelɔm ai ne məəi sam-sam keneŋ ləm tɔ.

Gosota-Kəmkàrje 28:28

Loo gə́ njémeeyèrje d’unda dɔ dee tar ndá Nana kara iya rəa gə kiya, Loo gə́ deḛ tuji ndá Njémeekarabasurje d’ḭ dɔ maree’d gə́ kédé-kédé.

Gosota-Kəmkàrje 29:2

Loo gə́ njémeekarabasurje d’ḭ dɔ maree’d gə́ kédé-kédé ndá Koso-dəwje d’isi dan rɔlel’g, Loo gə́ njemeeyèr o̰ ɓee ndá Koso-dəwje tila meḛ dee pugudu-pugudu.

Ləbije 14:42

D’a kodo kɔr mbalje gə́ raŋg mba tula dee tor nje gə́ kédé’g tɔɓəi d’a kodo bɔrɔ gə́ raŋg mba rḛdə ne mee kəi lé mbiao̰-mbiao̰ tɔ.

Matiyo 24:45

See na̰ ɓa gə́ kura gə́ majikoji gə́ inja paw gə́ mbai ləa aree si dɔ kuramareeje’g gə mba kai dee nésɔ dee gə lée-lée lé wa.

Tagə́maji gə́ Ja̰ ndang 12:26

Dəw gə́ rara ɓa ɓó lé ndigi ra né kam ndá maji karee un rəw goom’g, bèe ɓa loo gə́ m’a si keneŋ ndá lé neelé kura ləm a si səm keneŋ tɔ. Dəw gə́ rara ɓa ɓó lé ra né am ndá Bɔm a kila riɓar dəa’g ya.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.