Pakɔsje 101:5 - Maktub gə́ To gə Kəmee

⁵ Yeḛ gə́ təd ta unda ta maree’g gə goo ŋgəḭ lé M’a karee udu bo̰ ya, Yeḛ gə́ aa loo gə beelé əsé ti-rɔ kara M’a kila məəm po̰ dəa’g el.

Pakɔsje 101:5 ပူးပေါင်းရင်းမြစ်များ

Pakɔsje 138:6

Njesigənea̰ lé si tar sab, Nɛ yeḛ ila kəmee oo ne deḛ gə́ d’ula dɔ dee ləm, Deḛ gə́ to gə́ njébeeleje lé loo gə́ deḛ nai əw ya ɓəi ndá Yeḛ gər dee gao ya ləm tɔ.

Pakɔsje 15:3

Yeḛ gaŋgta unda ta maree’g el ləm, Ra majel gə maree el ləma, Ila rɔkul dɔ njeboatakəi’g ləa el ləm tɔ.

Pakɔsje 18:27

Dəw gə́ àr ŋgad-ŋgad lé ndá I nja kara àr səa ŋgad-ŋgad ya ləm, Yeḛ gə́ njera némeeyèr lé kara I ra səa gə goo némeeyèr ləa ya ləm tɔ.

Pakɔsje 50:20

I lé si naŋg ndá I ila ta dɔ ŋgokɔḭ’g ləm, Ŋgolə kɔinje kara I unda nani dəa’g ya ləm tɔ.

Teḛ-Raga 20:16

I a təd taŋgɔm kunda ta mari’g el.

Teḛ-Raga 23:1

Seḭ a kunje taŋgɔm kasje ne loo pəd-pəd el. Seḭ a kɔmje na̰’d sad gə njémeeyèrje mba gaŋg ne ta badə-badə gə taŋgɔm el tɔ.

Gosota-Kəmkàrje 10:18

Yeḛ gə́ iya dɔ kḛji loo bəḭ-bəḭ mée’g lé Tea pa taŋgɔm, Tɔɓəi yeḛ gə́ təd ta unda ta maree’g lé To mbə-dəw.

Gosota-Kəmkàrje 20:19

Yeḛ gə́ təd ta unda ta maree’g lé Riba dɔ taje gə́ to loo kiya’g, Maji kari wa kura gə njetaɓar el.

Gosota-Kəmkàrje 21:4

Loo k’aa gə́ gə beelé ləm gə ti-rɔ ləm tɔ lé To pərndɔ lə njémeeyèrje gə́ to kaiya.

Gosota-Kəmkàrje 25:23

Lel gə́ ḭ dɔgel lé ree gə ndi ləm, Ndo̰ gə́ pata gə́ to loo-kiya’g lé Ar kəm maree tel wagəsa ləm tɔ.

Gosota-Kəmkàrje 30:13

Ginkoji dəwje gə́ na̰je d’isi gən Gə́ to njébeeleje ləm, Né wa kəm dee el ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Ejekel 22:9

Mee ɓee-boo’g ləi lé njékṵda nanije kar dee d’ila ne məs d’isi keneŋ ləm, njé’g ləi d’usɔ né dɔ mbalje’g ləm tɔ, deḛ ra kaiya mee ɓee’g.

Ləbije 19:16

Seḭ a kundaje nani mbuna koso-dəwje’g lə sí el. Seḭ a kilaje ta dɔ mar síje’g kar məs dee ɔm ne naŋg el tɔ. Ma m’to Njesigənea̰.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

1 Njé gə́ Kɔrḭtə 5:11

Ɓasinè ɓa m’ndaŋg ta neelé mee maktub’g m’ar sí m’pana: Dəw gə́ wa rəa gə́ ŋgoko̰ sí nɛ yeḛ to kaiya-dəw əsé njekəmnda əsé njepolemagje əsé njetajikil əsé njera ɓər lə kido əsé gɔŋgé-ɓogo lé dəw gə́ togə́bè ɓa m’ula sí m’pana: Ɔrje səa kura el ləm, ji sí kara a kulaje mee ka nésɔ’g ləa el ləm tɔ.

1 Timote 3:11

Maji kar denéje lə dee kara to gə́ njémeekaraje ləm, gə njékaw yururuje ləma, d’a to ŋgonkoji dɔ néje’g lai ləm tɔ ɓó d’a to njékɔs dɔ dəw gə tarje el.

Titə 2:3

Maji kula denéje gə́ tɔg lé mba kar néra dee inja paw gə meenda ləm, kar dee d’unda nani el ləm, kar dee d’wa rɔ dee gə́ ɓərje lə kido el ləma, kar dee ndoo ne dəwje ta gə́ maji ləm tɔ.

1 Samel 2:3

Paje ta beelé bèe el ləm, Maji kar ta kəsta teḛ ta sí’g el ləm tɔ Mbata Njesigənea̰ to Ala Gə́ njegər néje lai ləm, Yeḛ nja wɔji kwɔi lə néra dəwje lai ləm tɔ.