Pakɔsje 100:3 - Maktub gə́ To gə Kəmee

³ Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 100:3 ပူးပေါင်းရင်းမြစ်များ

2 Mbaije 19:19

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

1 Sôrta Gḭka-Israɛlje 16:14

Njesigənea̰ lé to Ala lə sí ləm, Rəwta-gaŋgje ləa lé kara Yeḛ gaŋg wɔji ne dɔ naŋg nee lai ya ləm tɔ.

Maktub gə́ wɔji dɔ Jɔb 10:3

See i oo gə́ né gə́ maji mba kula kəm ndòo ləm, Gə kɔs kula gə́ i ra gə jii ɓa ŋgərəŋ ləma, Gə mba kar meemaji ləi to dɔ loo-kwɔji-na̰-ta’g lə njémeeyèrje’g ləm tɔ wa.

Pakɔsje 119:73

Jii ɓa undam ləm, uba ne kag rɔm ləm tɔ, Maji kari am gosonégər Mba karm m’ndoo ne godnduije lé ya.

Pakɔsje 12:4

Deḛ gə́ ta dee teḛ pata gə́ rii lé Maji kar Njesigənea̰ ar dɔ ta dee udu ləm, Deḛ gə́ ndo̰ dee teḛ gə ta beeléje lé kara Maji karee ar ta dee udu rub ləm tɔ.

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 78:52

Yeḛ ar koso-dəwje ləa d’unda loo teḛ to gə́ badje bèe ləm, Yeḛ ɔn dee dɔdilaloo’g to gə́ koso-nékulje bèe ləm tɔ.

Pakɔsje 79:13

Nɛ jeḛ gə́ n’toje koso-dəwje ləi Gə́ n’toje koso-nékulje ləi gə́ j’aar loo-ko̰-mu’g ləi lé J’a pidii saar-saar gə no̰ ya ləm, J’a kɔs pa kila ne riɓar dɔi’g kar ŋgaka síje d’ɔs gə́ kédé-kédé ya ləm tɔ.

Pakɔsje 95:3

Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Njekillamber 12:1

Nɛ ar məəi olé dɔ njekundai’g mee ndɔje gə́ i nai ne basa ɓəi kédé ɓa kar ndɔje gə́ majel ree ɓəi ləm, kar ləbje gə́ d’a gə ree lé i a pa pana: Né gə́ leli godo keneŋ ləm,

Esai 63:11

Yen ŋga koso-dəwje ləa d’ar meḛ dee olé dɔ ndɔje gə́ ləw’d Gə́ to ka̰ Moyis ndá Deḛ dəji pana: See yeḛ gə́ ar koso-dəwje gə́ to nékulje gə njékul deeje D’unda loo dan baa-boo-kad’g teḛ lé əd ra wa. See yeḛ gə́ ar ndilee aw mbuna dee’g lé əd ra wa.

Esai 63:19

Jeḛ lé un kudee ləw ba ya Jeḛ n’toje asəna gə koso-dəwje Gə́ i o̰ dee bèe el ləm, Asəna gə koso-dəwje Gə́ d’unda rii dɔ dee’g el bèe ləm tɔ. Ǝi, ɓó lé i ta̰ dara ləm, Ɓó lé i risi ur naŋg ləm tɔ ndá Mbalje d’a yə ɓugu-ɓugu nɔḭ’g ya.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Ejekel 34:11

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ nja n’a koo goo dəwje lə neḛ ləm, neḛ nja n’a tɔs kəm neḛ dɔ dee’g ləm tɔ.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Tel tura Godndu 32:6

Mbə-dəwje gə́ kəmkàr na sí tas See néraje gə́ togə́bè ɓa Seḭ waje ilaje dɔ Njesigənea̰’g wa. See yeḛ to bɔ síje gə́ njekunda sí el wa. See yeḛ nja ɓa gə́ njekunda sí Kar sí síje kəmba lé el wa.

Tel tura Godndu 4:35

Seḭ nja toje njékɔrgoo néje neelé gə mba kar sí gərje gao to gə́ Njesigənea̰ ya kára ba to Ala ɓó garee gə́ raŋg godo.

Tel tura Godndu 4:39

Ɓogənè maji kar sí gərje gao ləm, maji kar sí ŋgəmje taree meḛ sí’g ləm tɔ, to gə́ Njesigənea̰ Ala ya kára ba si mee dara’g tar ləm, gə dɔ naŋg nee ləm tɔ ɓó garee gə́ raŋg godo.

Tel tura Godndu 7:9

Bèe ndá maji kar sí gərje gao to gə́ Ala lə sí gə́ Njesigənea̰ lé yeḛ nja to Ala gə́ gəd ya. Ginka dəwje gə́ d’undá dan kəm dee’g d’aa ne dɔ ndukunje ləa kər-kər lé, yeḛ to Ala gə́ aar njaŋg dɔ manrɔ’g ləa ləm oo kəmtondoo lə dee ləm tɔ saar loo tɔl-dɔg (1.000) ya.

1 Piɛrə 2:25

Kédé lé seḭ toje asəna gə badje gə́ d’aw kori-kori bèe, nɛ ɓasinè seḭ telje gə́ rɔ njekul sí’g ləm, gə rɔ njekaa dɔ sí’g ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Piɛrə 4:19

Bèe ndá deḛ gə́ d’isi dan némeeko̰’g gə goo rəw gə́ Ala wɔji lé ndá maji kar dee ra né gə́ maji, ɓó gə d’ɔm ne rɔ dee ji njekunda dee’g gə́ Njemeenda londoŋ lé.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.