Pakɔsje 100:2 - Maktub gə́ To gə Kəmee

² Raje né arje Njesigənea̰ gə rɔlel ləm, Reeje nea̰’g gə boo-rɔkal ləm tɔ.

Pakɔsje 100:2 ပူးပေါင်းရင်းမြစ်များ

1 Mbaije 8:66

Ndɔ gə́ njekɔm’g jinaijoo ndá yeḛ ya̰ koso-dəwje ar dee d’aw. Tɔɓəi deḛ tɔr ndu dee dɔ mbai’g lé bèe ɓa deḛ d’ɔd d’aw mee kəi-kubuje’g lə dee gə rɔlel, gə meendakaḭ mbata némeemajije lai gə́ Njesigənea̰ ra gə kura ləa gə́ Dabid, kura ləa gə koso-dəwje ləa gə́ Israɛl lé tɔ.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

2 Sôrta Gḭka Israɛlje 31:2

Ejekias unda njékinjanéməsje gə Ləbije gə kudu dee kudu dee gə goo kai gə́ kai dee lé nana kara gə goo kula rəa-rəa ndá njékinjanéməsje gə Ləbije ɓa kula lə dee wɔji dɔ kinja nékinjanéməsje gə́ ka̰ roo gə́ ka̰ kɔm na̰’d ləm, gə mba ra kula gə́ raŋg ləma, gə mba kɔs paje gə pa pidije ləm tɔ loo-si Njesigənea̰’g lé.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 71:23

Loo gə́ m’ula rɔnduba dɔi’g lé Tam a pata rɔlelee ləm, Taa gə́ i taa dɔm lé A kar rɔlel taa ne məəm pəl-pəl ya ləm tɔ.

Pakɔsje 95:2

Ar sí j’awje nea̰’g gə pa pidee ləm, Maji kar ndu paje gə́ ka̰ kila riɓar dəa’g lé Ɓar ɔr loo lɔi-lɔi ləm tɔ,

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Tel tura Godndu 16:11

Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ.

Tel tura Godndu 16:14

Seḭ a kalje rɔ sí loo ra naḭ’g neelé, seḭ ləm, gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije ləma, gə dəw-dɔ-ɓeeje, gə ŋganalje, gə njékəisiŋgaje gə́ d’isi mbuna sí’g ləm tɔ.

Tel tura Godndu 28:47

Mbata né gə́ seḭ síje danee’g bèdèg lé ar sí raje né arje Ala lə sí gə́ Njesigənea̰ gə rɔlel gə meendakaḭ el,

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.