Pakɔsje 10:9 - Maktub gə́ To gə Kəmee

⁹ Loo-siée’g lé yeḛ um loo asəna gə toboḭ gə́ to loo-tée’g bèe, Yeḛ um loo mba kuba njenékəmndoo kwá Ɓa yeḛ ɔsee ilá mee ba̰də’g ləa.

Pakɔsje 10:9 ပူးပေါင်းရင်းမြစ်များ

Maktub gə́ wɔji dɔ Jɔb 38:40

Loo gə́ deḛ to naŋg loo-to dee’g ləm, Loo gə́ d’um loo-kum’g lə dee ləm tɔ wa.

Pakɔsje 109:31

Mbata yeḛ lé aar tar dɔ jikɔl njendoo’g lé Gə mba kɔree ne ji dee-deḛ gə́ d’ila ta dəa’g.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 140:5

Njesigənea̰, maji kari am m’oso ji njémeeyèrje’g el ləm, Aa dɔm kər-kər mbata lə njéra né kərm-kərmje Gə́ d’wɔji-kwɔji kam m’oso lé ləm tɔ.

Pakɔsje 17:12

Asəna gə toboḭ gə́ mal gaŋg nékwa tiée mbidi-mbidi rəa ləm, Asəna gə ŋgon toboḭ gə́ si ŋgəḭ né naŋg loo-kum’g ləa bèe ləm tɔ.

Pakɔsje 35:10

Siŋgarɔmje lai d’a pana: Njesigənea̰! See na̰ ɓa askəm kɔr njenékəmndoo ji dəw gə́ siŋgá ur dəa’g ləm, Gə njenékəmndoo gə njendoo lé Ji dəw gə́ si tɔr néje ləa rəa’g lé To gə́ i bèe wa.

Pakɔsje 37:14

Njémeeyèrje lé tɔr kiambasje lə dee sɔlé’g ləm, Deḛ d’ɔr ɓandaŋg lə dee lərərə ləm tɔ Gə mba kur ne njenékəmndoo gə njendoo lé tɔl dee ne ləm, Gə mba goré ne gwɔs dee-deḛ gə́ rəw-kaw dee to gə goo rəbee ləm tɔ.

Pakɔsje 59:3

Ɔrm ji njéra némajelje’g lé ləm, Taam ji dəwje gə́ njékilaməs mar deeje’g lé ləm tɔ.

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Esai 3:15

See na̰ ɓa un ndia ar sí talje ne dəwje ləm naŋg ras-ras ləm, Gə oreeje ne dɔ njéndooje naŋg ləm tɔ bèe wa. Mbaidɔmbaije gə́ Njesigənea̰ gə́ njeboo-néje ɓa dəji ta togə́bè.

Esai 32:7

Nékadje lə kəm-kəjim’g lé to néje gə́ yèr, Yeḛ wɔji rəw néraje gə́ majel mée’g Mba tuji ne njénékəmndooje gə taŋgɔmje ləm, Lée ta lə njendoo lé to gə dɔ najee ya kara ra bèe ya ləm tɔ.

Jeremi 5:26

Mbata njémeeyèrje d’isi mbuna dəwje’g ləm, Deḛ tən loo soo-soo to gə́ njékwa yelje Gə́ d’iya gumje bèe ləma, D’ila ba̰də d’um ne dəwje ləm tɔ.

Nɔ̰-ndôo gə́ wɔji dɔ Jerusalem 3:10

Yeḛ tel to asəna gə da-tɔg Gə́ si umum rəw Esé toboḭ gə́ si loo-kiya-rəa’g bèe.

Ejekel 22:29

Koso-dəwje gə́ mee ɓee’g d’ya̰ rɔ dee yag dan néra gə́ kərm-kərm’g ləm, deḛ ɓogo ləm, deḛ d’oré dɔ njénékəmndooje gə njéndooje naŋg ləma, deḛ buguru dəw-dɔ-ɓeeje dɔ néje gə́ wɔji dɔ dee’g ləm tɔ.

Amɔs 3:4

See toboḭ a kinja miḭ mee kɔr’g Lal kwa né wa. Esé see ŋgon toboḭ lé A no̰ duu-loo tée’g Lal né gə́ wà wa.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Habakuk 1:15

Kaldeje lé d’wa dəwje lai gə kii teḛ sə dee raga ləm, Deḛ ndɔr dee ɓul bura’g lə dee teḛ sə dee ləma, Deḛ kiri dee gə bura-masaŋ lə dee ləm tɔ, Yee ɓa deḛ d’isi ne dan rɔlel’g d’al ne rɔ dee.

Habakuk 3:14

I tɔs dɔ mbaije lə dee lé gə kandə ɓandaŋgje lə dee-deḛ ya mbudu Deḛ gə́ d’ḭ kalaŋ gə mba sané sí kad to gə́ lel-mal bèe ləm, Deḛ gə́ ra né gə ndu dee wəl gə rɔlel Asəna gə deḛ gə́ tuji njenékəmndooje duu-looje’g lə dee mba̰ bèe ləm tɔ.

Jakari 11:3

Njékulbadje d’ɔr ndu dee wəl no̰ ne sii mbigi-mbigi Mbata boo-ronduba lə dee tuji mba̰, Ŋgan toboḭje d’inja miḭ hər-hər Mbata néti-rɔ lə Jurdɛ̰ lé unda naŋg ndəs.

Tagə́maji gə́ Ja̰ ndang 10:12

Nɛ dəw gə́ ul badje gə mba kiŋga ne lar ɓa ɓó badje to kea̰ el lé loo gə́ yeḛ oo jagmjər gə́ ree ndá yeḛ tusu badje ya̰ dee aḭ kág aw, ar jagmjər lé ur dɔ badje’g wa dee jané dee kad-kad

Néra Njékaḭkulaje 23:21

Maji kari taa ta lə dee el mbata deḛ bula dum rɔ-sɔ tɔs dɔ na̰ der-der gə mba kumee rəw, deḛ manrɔ dee bər-bər pana: N’a sɔje né el ləm, n’a kaije né el ləm tɔ saar n’a tɔlje darɔ Pool ya ndəd ɓa. Ɓasinè ya deḛ d’isi pèrèrè ŋgina kari ndigi sə dee ya.