Pakɔsje 10:5 - Maktub gə́ To gə Kəmee

⁵ Rəw-kabeeje lai to tag nea̰’g gə ndəa-ndəa, Rəwta-gaŋg lə Ala yeḛ gər gelee el, Yeḛ ti ɓɔlee koma̰ ne njéba̰je ləa lai.

Pakɔsje 10:5 ပူးပေါင်းရင်းမြစ်များ

Gḭ-Néje 6:12

Ala aa loo oo naŋg nee ndá aa oo, to asəna gə né gə́ ndum ya. Mbata darɔ dəwje lai tuji rəw-kaw deḛ gə́ dɔ naŋg nee pugudu-pugudu.

2 Samel 5:6

Mbai gə njé’g ləa d’ɔr rɔ d’aw Jerusalem mba rɔ gə Yebusje gə́ d’isi mee ɓee’g neelé. Deḛ lé d’ula Dabid pana: I a ree loo gə́ nee’g pai godo. Njékəmtɔje gə njémədje ya kara d’a kɔsi rəw. To asəna gə deḛ ndigi pana: Dabid a ree loo gə́ nee’g pai godo.

1 Mbaije 20:13

Nɛ aa ooje, njetegginta kára ree rɔ Akab’g, mbai lə Israɛlje ndá yeḛ pana: Njesigənea̰ pa togə́bè pana: See i oo njérɔje gə́ bula digi-digi nee ya wa. M’a kya̰ dee jii’g ɓogənè mba kari gər to gə́ ma m’to Njesigənea̰ ya.

Maktub gə́ wɔji dɔ Jɔb 24:23

Ala ar dee d’isi gə́ majee ləm, gə meḛ dee gə́ to lɔm ləm tɔ. Yeḛ orè kəmee ndəŋ dɔ rəw kaw dee’g.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 73:3

Mbata m’ra kəmkəḭ dɔ mbə-dəwje’g Loo gə́ m’oo nérɔlel lə njémeeyèrje lé.

Gosota-Kəmkàrje 1:19

Yee ɓa gə́ néra dəwje gə́ mal kiŋga né gə goo rəbee el lé Wa meḛ dee, Deḛ gə́ d’ula rɔ dee keneŋ mbiriri lé Deḛ tuji ne tɔ.

Gosota-Kəmkàrje 15:24

Kila-rəw gə́ ka̰ si kəmba lé To par gə́ tar mbata lə njekəmkàr Gə mba karee ya̰ ne rəw gə́ aw gə́ ɓee lə njé gə́ d’wəi gə́ gin naŋg’d.

Gosota-Kəmkàrje 2:13

Gə ji deḛ gə́ d’uba kila-rəwje Gə́ danasur d’ya̰ Gə mba njaa ne dan rəwje’d gə́ ndul njudu-njudu ləm tɔ.

Gosota-Kəmkàrje 2:15

Deḛ gə́ rəwje lə dee ɔr goŋ ləm Gə kila-rəwje lə dee nduni koŋ-koŋ ləm tɔ,

Gosota-Kəmkàrje 24:1

Maji kari ra kəmkəḭ dɔ dəwje gə́ to njémeeyèrje’g el ləm, Ndiŋga rɔi gə mba si sə dee na̰’d el ləm tɔ.

Esai 10:1

Meeko̰ a koso dɔ deḛ gə́ To njékun ndukunje gə goo rəbee el ləm, Gə deḛ gə́ ndaŋg maktub-gaŋg-rəwta Gə́ gə dɔ najee el ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Njé gə́ Rɔmə 3:16

Tuji gə meeko̰ taa rəw-kaw dee pəl-pəl ya.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.

Njéga̰g-Rəwtaje 9:38

Jebul ilá keneŋ pana: I gə́ pana: See Abimelek to gə́ na̰ ɓa j’a ra kula karee wa lé see tai pa bèe el wa. See deḛ neelé to koso-dəwje gə́ i ə̰ji dee bəḭ-bəḭ lé el wa. Maji kari ḭta ɓasinè aw rɔ sə dee ŋga na̰.