Pakɔsje 10:18 - Maktub gə́ To gə Kəmee

¹⁸ Gə mba gɔl ne ta lə ŋganalje Gə deḛ gə́ d’ula kəm dee ndòo lé gə goo rəbee ləm, Gə mba kar dəw gə́ to nduji naŋg lé Ǝw rəa kula ɓəl meḛ mareeje’g ləm tɔ.

Pakɔsje 10:18 ပူးပေါင်းရင်းမြစ်များ

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 17:14

Njesigənea̰, maji kari ɔrm ji dəwje gə́ dɔ naŋg nee gə jii gə́ ɓar mèr-mèr. Nédɔji lə dee to naŋg nee ləm, I ar meḛ dee ndan gə némajije ləi ləm tɔ, Ŋgan deeje kara meḛ dee ndan tub-tub Ar dee d’ya̰ ges néje lə dee gə́ uru kugu lé mbata lə ŋgaka deeje lé tɔ.

Pakɔsje 72:4

Yeḛ a ra gə ta lə njénékəmndooje mbuna dəwje’g gə goo rəbee ləm, Yeḛ a kaji ŋgalə njéndooje ləma, Yeḛ a kḭ tal njekula kəmloondoo lé naŋg ras-ras ləm tɔ.

Pakɔsje 74:21

Maji kar yeḛ gə́ d’ula kəmee ndòo lé Tel gə́ ɓée gə rɔkul el ləm, Maji kar njenékəmndoo gə njendoo lé D’unda no̰ rii ya ləm tɔ.

Pakɔsje 82:3

Maji kar sí ɔrje kəm ta lə dəw gə́ siŋgá godo gə ŋgonal lé ləm, Njenékəmndoo gə njendoo lé kara Raje sə dee gə goo rəbee ləm tɔ.

Pakɔsje 9:9

Yeḛ gaŋg rəwta dɔ dəwje gə́ dɔ naŋg neelé gə goo rəbee, Rəwta-gaŋg ləa gə́ dɔ koso-dəwje’g lé Yeḛ gaŋg gə goo rəbee sur ya.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Lugu 16:25

Abrakam ilá keneŋ pana: Ŋgonəm, ar məəi olé dɔ némajije’g ləi loo gə́ i si ne gə kəmi danee’g lé nɛ Lajarə lé loo gə́ yeḛ si gə kəmee ɓəi lé yeḛ si dan némeeko̰’g ya, ɓasinè ndá yeḛ si dan meekulɔm’g ŋga, nɛ i ɓa yḛ̀ i si dan néurti’g gə́ si ya to ŋga.

Tel tura Godndu 10:18

yeḛ oso gel ŋganalje’g gə njékəisiŋgaje’g ləm, yeḛ unda dəw-dɔ-ɓeeje dan kəmee’g ar dee ne nésɔ gə kubuje gə́ ka̰ kula rɔ dee’g ləm tɔ.