Pakɔsje 10:14 - Maktub gə́ To gə Kəmee

¹⁴ Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 10:14 ပူးပေါင်းရင်းမြစ်များ

Gḭ-Néje 21:17

Ala oo ndu ŋgon lé ndá ndu kura lə Ala ḭ dara ɓar Agar pana: Agar, see ɗi ɓa rai wa. Ɓəl el mbata Ala oo ndu ŋgon loo gə́ yeḛ si keneŋ lé ya.

Gḭ-Néje 31:12

Ndá yeḛ pana: Maji kari un kəmi gə́ tar aa loo oo: Bàl badje lai gə́ d’uba ko̰ badje lé to dee gə́ rɔ dee tḭja yao-yao ləm, gə tila ɓal ləma, gə ndaŋg rɔg-rɔg ləm tɔ. Mbata ma lé m’oo néje lai gə́ Laba̰ ra səi ya.

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

2 Mbaije 9:26

Tagə́nè lé n’oo məs Nabot deḛ gə ŋganeeje ndá Njesigənea̰ pana: N’a ra səa togə́bè ya mee ndɔ’g neelé tɔ. Bèe ndá maji kari unee ilá mee ndɔ’g gə goo ta gə́ Njesigənea̰ gaŋg dəa’g lé ya.

2 Sôrta Gḭka Israɛlje 24:22

Mbai Joas lé ar mee olé dɔ meemaji’d gə́ Jeojoda, bɔ Jakarije ra səa lé el ndá yeḛ ar dee tɔl ŋgonee tɔ. Loo gə́ Jakari a gə kwəi ndá yeḛ pana: Maji kar Njesigənea̰ oo ndá gaŋgta dɔ’g ya.

2 Sôrta Gḭka Israɛlje 6:23

maji kari oo ta ləa mee dara’g ləm, gə ra née ləma, gə gaŋg rəwta dɔ kuraje’g ləi ləm tɔ, maji kari ila ta dɔ yeḛ gə́ ta wa dəa’g ləm, ar ta nérea tel oso dəa-yeḛ’g ya ləm tɔ, dəw gə́ ta wa dəa el lé maji kari ɔr kəm ta ləa ləm, ra səa né gə goo ta gə́ wa dəa el lé ləm tɔ.

Pakɔsje 146:9

Njesigənea̰ lé aḭ bada dɔ dəw-dɔ-ɓeeje’g ləm, Yeḛ gəd ŋgonal gə njekəisiŋga lé ya ləm tɔ, Nɛ yeḛ tuji rəw-kaw lə njémeeyèrje pugudu-pugudu.

Pakɔsje 22:11

Un kudee mee ndəa gə́ m’to ne mee kɔm’g lé i aa dɔm ləm, Un kudee mee ndəa gə́ d’ojim ne lé kara i to Ala ləm ya ləm tɔ.

Pakɔsje 31:8

Mbɔl dɔ meenoji ləi ɓa M’a si ne dan rɔkal’g gə dan rɔlel’g ləm tɔ Mbata i oo ndòo koo ləm gao ləm, I gər néɓəŋgərəti ləm gao ləm tɔ.

Pakɔsje 35:22

Njesigənea̰, i lé oo gao ya! Maji kari si dɔ mundu el! Mbaidɔmbaije, maji kari unda rɔi ɓad rɔm’g el!

Pakɔsje 55:22

Tapea kul yururu ur dɔ ubu mbà maŋg’g. Nɛ mée gə́ kəi lé ta rɔ ɓa nai keneŋ bura ya ɓəi, Tapeaje lé kul yururu ur dɔ ubu’g ya ɓəi, Nɛ deḛ to kiambasje gə́ lal kula sɔl dee’g.

Pakɔsje 68:5

Ɔsje pa arje Ala, arje ria ɓar ne! Woḭje kəm rəw arje yeḛ gə́ njaa dɔdilaloo’g lé. Njesigənea̰ ɓa to gə́ ria ya, Bèe ndá alje rɔ sí nea̰’g!

Pakɔsje 68:6

Bɔ ŋganalje ləm, Gə njekaḭbada dɔ njékəisiŋgaje’g ləm tɔ lé Yeḛ nja ɓa to Ala gə́ njesi mee loo’g ləa gə́ to gə kəmee doi lé ya.

Teḛ-Raga 2:25

Ala ila kəmee dɔ Israɛlje’g tɔɓəi yeḛ oo kəm dee loo tondoo’g tɔ.

Teḛ-Raga 22:22

Ɓó lé seḭ ulaje kəm dee ndòo ɓa deḛ ree ne rɔm’g ndá m’a koo ndu no̰ lə dee ya.

Teḛ-Raga 22:26

mbata kubu neelé nja kára ba to néko̰ rəa ləm, to gə́ kubu ləa gə́ yeḛ ula rəa’g ləm tɔ, nɛ see ɗi ɓa a kila dəa’g to ne wa. Ɓó lé yeḛ a no̰ gə́ rɔm’g ndá m’a koo ndia ya mbata ma m’to njekookəmtondoo ya.

Gosota-Kəmkàrje 15:25

Njesigənea̰ tɔs kəi lə njébeeleje tila, Nɛ yeḛ ar ŋgaŋ looje lə njekəisiŋga to njaŋg.

Gosota-Kəmkàrje 15:3

Kəm Njesigənea̰ un loo lad-lad, Aree oo ne njémeeyèrje gə njémeemajije gao.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Jeremi 16:17

Mbata kəm wəi siḭ dɔ rəw-kaw deeje’g lai ɓó deḛ d’iya rɔ dee kəm’g el ləm, néra kori-korije lə dee kara d’iya rɔ dee kəm’g el ləm tɔ.

Jeremi 23:24

Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Jeremi 49:11

Ya̰je ŋganalje lə sí ndá m’a kul dee ləm, Ya̰je njékəisiŋgaje lə sí ar dee d’ɔm meḛ dee dɔm’g ləm tɔ.

Jeremi 51:56

Tɔgərɔ ya, njetujiloo Teḛ dɔ Babilɔn’g mba rɔ səa, D’wa bao-rɔje ləa ləm, Təd ɓandaŋgje lə dee ləm tɔ. Mbata Njesigənea̰ lé To njekoga nana kara Gə goo kula rəa-rəa ləm, Yeḛ ar nana kara nékoga-dɔ-ji ləa ləm tɔ.

Nɔ̰-ndôo gə́ wɔji dɔ Jerusalem 3:59

Njesigənea̰, i oo kəm gə́ d’ula ndòo lé gao ya, Maji kari gaŋg rəwta ləm gə goo rəbee am.

Nɔ̰-ndôo gə́ wɔji dɔ Jerusalem 3:60

I oo né dalba̰ gə́ deḛ ra səm ləm, Gə njuma̰je lai gə́ d’ula meḛ na̰’d dɔm’g ləm tɔ.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Tel tura Godndu 10:18

yeḛ oso gel ŋganalje’g gə njékəisiŋgaje’g ləm, yeḛ unda dəw-dɔ-ɓeeje dan kəmee’g ar dee ne nésɔ gə kubuje gə́ ka̰ kula rɔ dee’g ləm tɔ.

2 Timote 1:12

Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

1 Piɛrə 4:19

Bèe ndá deḛ gə́ d’isi dan némeeko̰’g gə goo rəw gə́ Ala wɔji lé ndá maji kar dee ra né gə́ maji, ɓó gə d’ɔm ne rɔ dee ji njekunda dee’g gə́ Njemeenda londoŋ lé.

1 Piɛrə 5:7

Néje lai gə́ pélé meḛ sí wəs-wəs lé odoje ɓuguje dəa’g mbata yeḛ nja to njekaa dɔ sí kər-kər.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.