Pakɔsje 1:6 - Maktub gə́ To gə Kəmee

⁶ Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 1:6 ပူးပေါင်းရင်းမြစ်များ

Maktub gə́ wɔji dɔ Jɔb 23:10

Lé bèe kara yeḛ gər rəw-kabm gao, Loo gə́ yeḛ a naam ndá M’a kunda loo teḛ gə rɔm gə́ àr ŋgad-ŋgad to gə́ larlɔr bèe.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Pakɔsje 142:3

M’ree gə ta no̰ ləm nea̰’g ləm, M’ɔr sor néurti gə́ ram lé m’aree ləm tɔ.

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Pakɔsje 146:9

Njesigənea̰ lé aḭ bada dɔ dəw-dɔ-ɓeeje’g ləm, Yeḛ gəd ŋgonal gə njekəisiŋga lé ya ləm tɔ, Nɛ yeḛ tuji rəw-kaw lə njémeeyèrje pugudu-pugudu.

Pakɔsje 9:6

I ar bo̰ néra ginkoji dəwje gə raŋg ɔs ta dee’g ləm, I tuji njémeeyèrje pugudu ləma, I tuji ri dee pugudu-pugudu saar gə no̰ ləm tɔ.

Gosota-Kəmkàrje 14:12

Rəwje gə́ na̰je dəw oo gə́ rəw gə́ maji, Nɛ loo kɔs bo̰ ləa to yoo.

Gosota-Kəmkàrje 15:9

Rəw-kaw njemeeyèr lé To né gə́ mina̰ kəm Njesigənea̰’g, Nɛ yeḛ gə́ ndolè goo néra gə́ gə dɔ najee ɓa Yeḛ undá dan kəmee’g.

Nahum 1:7

Njesigənea̰ to njemaji dum. Yeḛ to loo-kiya-rɔ pḛ́ ndɔ néurti’g. Deḛ gə́ d’ɔm meḛ dee dəa’g lé yeḛ aa dɔ dee kər-kər.

Matiyo 7:13

Tarəw gə́ njo̰ ɓa a̰dje keneŋ. Mbata rəw gə́ aḭ gə́ loo-tuji’g lé tad yaa̰ ləm, tarəw kara to tag bə̰dəŋ ləm tɔ ar dəwje bula d’aw keneŋ budu-budu.

Tagə́maji gə́ Ja̰ ndang 10:14

Ma m’gər badje ləm, dee kara dee gərm gao ləm tɔ.

Tagə́maji gə́ Ja̰ ndang 10:27

Badje ləm lé d’oo ndum ya. Ma m’gər dee gao ləm, dee kara d’ɔm na̰ goom’g ya ləm tɔ.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

2 Piɛrə 2:12

Deḛje neelé dɔ dee godo to gə́ daje gə́ wala bèe, d’oji dee gə́ né-kwa-tɔlje ya, né gə́ deḛ gər ginee el kara pata gə́ yèr dɔ’g gə́ pa, d’a tuji to gə́ daje bèe tɔ.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.