Pakɔsje 1:2 - Maktub gə́ To gə Kəmee

² Nɛ yeḛ ndá mée kaḭ dɔ godndu Njesigənea̰’g ləm, Yeḛ la̰ji toree mée’g dan kàrá gə loondul’g ləm tɔ.

Pakɔsje 1:2 ပူးပေါင်းရင်းမြစ်များ

Gḭ-Néje 24:63

Ndɔ kára bèe kàrkemetag, Isaak aw mee ndɔ’g gə mba la̰ji ta mée’g. Yeḛ un kəmee gə́ tar aa loo ndá yeḛ oo jambalje gə́ d’aw ree.

Esdras 7:10

Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Pakɔsje 104:34

Maji kar tapam neelé taa kəmi rəgm! Ma lé m’ndigi ndá məəm kaḭ dɔ Njesigənea̰’g.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Pakɔsje 119:1

Rɔlel nai gə deḛ gə́ gel dee godo rəw-kaw dee’g Ar dee njaa gə goo godndu Njesigənea̰ lé.

Pakɔsje 119:11

Ma lé m’wa məəm kɔgərɔ dɔ ta’g ləi Gə mba karm m’ra kaiya m’ɔsi ne rəw el.

Pakɔsje 119:35

Maji kari ɔr nɔm kila-rəw godnduije’g lé Mbata ma lé m’ndigi togə́bè ya.

Pakɔsje 119:72

Godndui gə́ teḛ tai’g lé maji mbata ləm Unda néje tɔl-dɔg (1.000) gə́ ra dee gə larlɔr gə larnda.

Pakɔsje 119:92

Ɓó lé godndui lé m’aree to gə́ nérɔlel ləm bèe el ndá M’udu bo̰ dan nékəmndoo’g ləm mba̰ ya.

Pakɔsje 40:8

Yen ɓa ma m’pana: Aa oo, m’isi m’ree (Deḛ ndaŋg ta ləm mee maktub gə́ kə́ na̰’d mber-mber’g)

Pakɔsje 88:1

Pakɔs lə Koréje gə́ bao-pa ɔs sə dee lé. Deḛ d’ɔs gə tébé-ro̰gje. To pakɔs lə Heman gə́ to ŋgoka Ejrak.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Lugu 2:37

Yeḛ si gə́ njekəisiŋga ɓəi ar ləbee aḭ rɔ-jinaijoo-giree-sɔ ndá yeḛ ya̰ mee kəi-Ala un gɔlee unda raŋg ndɔ kára el. Yeḛ wa Ala mée’g loondul’g gə dan kàrá ləm, ɔg ne mée ɓoo ta-ta ra ne tamaji təa’g ləm tɔ.

Njé gə́ Rɔmə 7:22

Mbata məəm gə́ kəi lé m’ra rɔlel dɔ godndu Ala’g ya

1 Njé gə́ Tesalonikə 2:9

Ŋgako̰ síje, kula ra sí gə́ jeḛ j’ula ne rɔ sí ndubu dṵda’d gə dan kàrá mba kar sí j’wɔi ne dəw kára kara mbuna sí’g el lé meḛ sí a kolé dɔ’g ya, togə́bè ɓa, j’ɔr ne gin Tagə́maji lə Ala lé j’ar sí.

1 Timote 4:15

Ɔm məəi dɔ néje’g neelé ləm, ula rɔi keneŋ mbiriri ləm tɔ mba kar dəwje lai d’oo ne loo néraje ləi gə́ aw ne kəmi gə́ kédé-kédé lé tɔ.

2 Timote 1:3

Ala gə́ kamje-je ra kula d’aree ləm, ma kara m’ra kula gə meekara m’aree ləm tɔ lé m’rəa oiyo mbata məəm olé dɔi’g am m’ɓar rii ta-ta loo ra tamaji’g ləm, loondul’g ləm, gə dan kàrá ləm tɔ.

Jujé 1:8

Ta gə́ mee maktub godndu’g neelé maji karee lal tai el, maji kari la̰ji toree məəi’g dan kàrá gə loondul’g gə mba ra néje lai gə́ ndaŋg taree keneŋ, togə́bè ɓa kula raije lai d’a maji ne kɔr njal ləm, i kara a teḛ ne kɔr ləm tɔ.

1 Ja̰ 5:3

Kaa dɔ godndia kər-kər lé yee ɓa gə́ meenoji gə́ ka̰ Ala ya. Godndiaje lé to né gə́ a ndɔji el