Pakɔsje 1:1 - Maktub gə́ To gə Kəmee

¹ Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Pakɔsje 1:1 ပူးပေါင်းရင်းမြစ်များ

Gḭ-Néje 49:6

Ma lé m’ɔm sə dee na̰’d dɔ tapa dee’g gə goo ŋgəḭ el ləm, Ndiləm ɔm sə dee na̰’d loo-kwa-dɔ-na̰’g lə dee el ləm tɔ! Mbata deḛ tɔl dəwje gə goo oŋg gə́ to meḛ dee’g ləm, Deḛ tḭja kwɔi bɔ maŋgje lé Gə goo meeyèr lə dee lé ləm tɔ.

Gḭ-Néje 5:24

Enok lé njaa gə Ala ndá godo mbata Ala nja unee.

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

2 Sôrta Gḭka Israɛlje 22:3

Yeḛ njaa goo rəw’g lə gel-bɔje lə Akab mbata kea̰je sulá gə taje gə́ yèr.

Maktub gə́ wɔji dɔ Jɔb 10:3

See i oo gə́ né gə́ maji mba kula kəm ndòo ləm, Gə kɔs kula gə́ i ra gə jii ɓa ŋgərəŋ ləma, Gə mba kar meemaji ləi to dɔ loo-kwɔji-na̰-ta’g lə njémeeyèrje’g ləm tɔ wa.

Maktub gə́ wɔji dɔ Jɔb 21:16

Sèm, see némajije lə dee to meḛ ji dee’g mba̰ el wa. Ma m’ndigi taa takwɔji-kəmkàr lə njémeeyèrje el.

Maktub gə́ wɔji dɔ Jɔb 31:5

Ɓó lé m’njaa dan taŋgɔm’g ləm, Ɓó lé gɔlm wɔilɔ pélé-pélé loo-ra-goso-ɓogo’g ləm tɔ ndá

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 106:3

Rɔlel nai Gə deḛ gə́ d’aa dɔ godndiaje’g kər-kər ləm, Gə ra né gə dɔ najee ta-ta lé ləm tɔ.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Pakɔsje 119:115

Seḭ njémeeyèrje lé ɔdje tam’d gə́ raŋg, Gə mba kam m’aa ne dɔ godnduje lə Ala ləm kər-kər.

Pakɔsje 144:15

Rɔlel nai gə koso-dəwje gə́ d’isi dan maji’g togə́bè, Rɔlel nai gə koso-dəwje gə́ Njesigənea̰ to Ala lə dee lé.

Pakɔsje 146:5

Rɔlel nai gə yeḛ gə́ Ala lə Jakob to gə́ njela səa ya ləm, Yeḛ gə́ unda mée yel dɔ Njesigənea̰ Ala’g ləa lé ləm tɔ.

Pakɔsje 146:9

Njesigənea̰ lé aḭ bada dɔ dəw-dɔ-ɓeeje’g ləm, Yeḛ gəd ŋgonal gə njekəisiŋga lé ya ləm tɔ, Nɛ yeḛ tuji rəw-kaw lə njémeeyèrje pugudu-pugudu.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 26:12

Gɔlm ŋgəŋ ŋgəŋ-ŋgəŋ dɔ rəw gə́ danasur’g. M’a kunda no̰ dɔkaisəgərə lə Njesigənea̰ loo-mbo̰-dɔ-na̰’g lə koso-dəwje lé ya.

Pakɔsje 34:8

Kura lə Njesigənea̰ gə́ dara ula ŋgalaŋ gugu ne dɔ deḛ gə́ ɓəlee, Yeḛ ɔr dee ne dan tuji’g.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Pakɔsje 64:2

Ǝi Ala, maji kari oo ndum Loo gə́ m’isi m’tuma̰’g lé ləm, Aḭ bada dɔm’g ɔrm ne ji njeba̰’g ləm Gə́ ma m’ɓəlee lé ləm tɔ!

Pakɔsje 81:12

Nɛ koso-dəwje ləm lé d’un mbi dee rəw dɔ ta’g ləm, Israɛlje tədkagm el.

Pakɔsje 84:12

Mbata Njesigənea̰, Ala to kàr ləm, gə dər-rɔ ləm tɔ, Meenoji gə rɔnduba lé Njesigənea̰ ɓa ar dee, Deḛ gə́ njaa gə goo rəw gə́ danasur lé Yeḛ ɔg dee némaji kára kara bèe el.

Gosota-Kəmkàrje 1:15

Ŋgonəm, orè sə dee rəw na̰’d més el ləm, Ila gɔli kila-rəw’g lə dee el ləm tɔ.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 13:15

Takə̰ji gə́ maji lé ree gə meenoji, Nɛ rəw-kaw majikoji elje lé moŋg kaŋ.

Gosota-Kəmkàrje 13:20

Yeḛ gə́ ɔr kura gə njékəmkàrje lé Tel to njekəmkàr tɔ, Nɛ yeḛ gə́ to njeboalookaw lə mbəje lé Iŋga némajel keneŋ.

Gosota-Kəmkàrje 19:29

Rəwta gə́ gaŋg lé d’wa dɔ gɔlee mbata njekula sul dɔ loo’gje mba̰, Ndəi to mbata gir mbə-dəw tɔ.

Gosota-Kəmkàrje 2:12

Gə mba kɔri ne rəw né gə́ majel’g Kilai tar ləm, gə ji dəw’d Gə́ njepata kori-kori ləma,

Gosota-Kəmkàrje 3:34

Yeḛ ula sul dɔ njékula sul dɔ mar deeje’g Nɛ yeḛ wa noji gə njékula dɔ deeje.

Gosota-Kəmkàrje 4:19

Rəw-kaw njémeeyèrje lé To asəna gə loo ndul gə́ ndul njudu-njudu, Deḛ d’oo né gə́ a gə kun gɔl dee Kar dee d’oso lé el.

Gosota-Kəmkàrje 9:12

Ɓó lé i to njekəmkàr ndá I to njekəmkàr mbata ləi-i ya, Ɓó lé i to njekula sul dɔ loo’g ndá Bea̰ a kɔs tai’g gə kari ba ya.

Jeremi 15:17

Ma m’isi loo-kwa-dɔ-na̰’g Le njékimlooje gə mba kal rɔm sə dee el, Nɛ gə goo siŋgamoŋ ləi lé M’isi ne gə karm ba, Mbata i ar oŋg-boo rusu məəm tub-tub.

Jeremi 17:7

Ndutɔr nai gə yeḛ gə́ ɔm mée dɔ Njesigənea̰’g ləm, Gə́ Njesigənea̰ ɓa to nékunda-mee-yel dɔ’g ləa ləm tɔ.

Ejekel 20:18

Neḛ n’ula ŋgan deeje dɔdilaloo’g m’pana: Maji kar sí raje néra bɔ síje-je el ləm, tɔsje kəm sí dɔ néjiɓee’g lə dee el ləma, arje rɔ sí mina̰ gə magəje lə dee el ləm tɔ.

Matiyo 16:17

Jeju ulá pana: Simo̰, ŋgon Junas, dɔi ai səgərə, mbata darɔ dəw əsé məs dəw ɓa ar kəmi inja dɔ né gə́ neelé el nɛ Bɔm gə́ si dara ɓa riba səi dəa bèe.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Lugu 23:51

nɛ loo gə́ d’wɔji rəw né lə dee gə́ ra lé yeḛ ɔm dee’g el, yeḛ to dəw gə́ Arimate ɓee lə Jibje tɔɓəi yeḛ si ŋgina ɓeeko̰ lə Ala lé pèrèrè tɔ.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Tagə́maji gə́ Ja̰ ndang 20:29

Jeju ulá pana: I lé ɔm məəi dɔm’g ɓasinè mbata koo gə́ i oom ŋga. Deḛ gə́ d’oom el ɓa d’ɔm meḛ dee dɔm’g lé rɔ dee a lel dee ya.

Njé gə́ Rɔmə 5:2

Jeju lé ɓa gə́ njekar sí noji neelé gə́ jeḛ nai danee’g njaŋg gə goo meekun lə sí. J’isi keneŋ gə meendakaḭ j’unda meḛ sí yel gə mba koo ne rɔnduba lə Ala lé ya.

Njé gə́ Epesə 6:13

Gelee gə́ nee ɓa, odoje nérɔje lə Ala bura, ɔmje rɔ sí’g mba kaar ne njaŋg ndɔ gə́ lookàr gə́ majel a kàr dɔ sí’g ləm, loo gə́ seḭ dumje dɔ majelje lai mba̰ ndá a kaarje ne dɔ gɔl sí’g njaŋg ya ləm tɔ.

Tel tura Godndu 14:6

Daje lai gə́ mèr gɔl dee tɔ ba̰ ləm, gə ŋgo gɔl dee tɔ ja̰-ja̰ ləma, gə yel mu ləm tɔ lé ɓa seḭ a sɔ deeje.

Tel tura Godndu 33:29

Israɛlje d’isi dan rɔlel’g! See na̰ ɓa to tana sə sí wa. Seḭ toje koso-dəwje gə́ Njesigənea̰ aji dee ləm, Yeḛ to dər gə́ la sə sí ləm, Gə kiambas gə́ to baŋga lə sí ləm tɔ. Njéba̰je lə sí d’a kunda barmba no̰ sí’g Ndá seḭ a tubaje dɔ looje lə dee gə́ d’ḭta lé gə gɔl sí tɔ.

1 Piɛrə 4:3

Tɔgərɔ ya, ləw ɓa seḭ nja raje né gə́ meḛ njépole-magəje ɓa wɔji, seḭ ya̰je rɔ sí arje kaiya gə́ ula pər meḛ sí’g ləm, gə kəmkəḭ ləm, gə kaw gə́ dəw-kido ləm, gə nésɔ gə́ mbula meḛ sí’g ləm, gə nékai gə́ aije areeje al dɔ sí ləma, gə magəje gə́ ram ləm tɔ. Néje nee gə́ seḭ raje lé as lée’g mba̰.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.