Piləmɔ̰ 1:9 - Maktub gə́ To gə Kəmee

⁹ nɛ ma Pool gə́ m’to ɓuga dəw ləm, saar ɓogənè kara m’isi daŋgai’g mbata lə Jeju Kristi ləm tɔ lé ma m’ra ne ndòo rɔi’g gə goo meenoji ɓa.

Piləmɔ̰ 1:9 ပူးပေါင်းရင်းမြစ်များ

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Pakɔsje 71:9

Maji kari ilam kɔ ndɔ ɓugam’g el ləm, Loo gə́ siŋgam rəm lé ndá kara Ubam ya̰’m gə mbəa el ləm tɔ,

Gosota-Kəmkàrje 16:31

Yiŋga dɔ gə́ pudu ndá kələw-kələw lé To dɔgugu rɔnduba lə njeaje-je, Rəw néra gə́ gə dɔ najee ɓa d’iŋgá ne.

Esai 46:4

Saar teḛ ne dɔ ɓuga sí’g kara Ma m’to togə́bè ya ləm, Saar teḛ dɔ dɔ sí gə́ pudu’g lé kara M’a gəd sí ya ləm tɔ. Ma m’odo sí tɔɓəi m’a tel gə mba kodo sí ya ɓəi ləm, M’a gəd sí kaji sí ne ya ɓəi ləm tɔ.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Galati 3:26

Mbata meekun gə́ seḭ unje arje Jeju Kristi lé ɓa seḭ lai toje ne ŋgan-Alaje ya.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 6:20

Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.

1 Timote 1:12

Jeju Kristi, Mbaidɔmbaije lə sí gə́ am siŋgam lé m’rəa oiyo mbata yeḛ oom gə́ majikoji ɓa undam gə́ njekula ləa.

Titə 2:2

Maji kar tɔg-dəwje d’isi lɔm ləm, d’ai meḛ dee sam-sam ləma, d’a tɔ meḛ dee ga̰-ga̰ ləm tɔ. Maji kar dee to bao-meekunje ləm, gə bao-meenojije ləma, gə bao-meekilaje ləm tɔ.

Ǝbrəje 13:19

Yee ɓa m’wa ta sí mba kar sí raje togə́bè mba kar nai lam ba d’ya̰ loo d’am m’aw rɔ sí’g ɓəi.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

Njéga̰g-Rəwtaje 21:22

Ɓó lé bɔ deeje əsé ŋgako̰ deeje ree saŋg sə sí ta ndá jeḛ j’a kula dee pana: Ya̰ deeje ar síje mbata jeḛ j’wa dené mbata lə nana kara gə́ aw loo-rɔ’g el. Bèe ɓa to seḭje ɓa ar deeje denéje lé el, ɓó lé bèe el ndá ta a kwa dɔ sí ya.