Piləmɔ̰ 1:14 - Maktub gə́ To gə Kəmee

¹⁴ Nɛ ma m’ndigi koo gə́ ndui’g ɓa ɓó m’a ra né gə dɔrɔm el ɓəi, mba kar maji gə́ i a gə ra lé i a ra gə məəi ɓó dəw a jaŋgi dɔ’g el.

Piləmɔ̰ 1:14 ပူးပေါင်းရင်းမြစ်များ

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

1 Njé gə́ Kɔrḭtə 9:17

Ɓó ma m’ra gə məəm gə́ maji ndá meemaji ɓa gə́ nékoga dɔ jim ya. Nɛ ɓó lé to né gə́ unm lad ilam keneŋ ɓa m’ra kara to kula gə́ d’ɔm jim’g ya.

1 Njé gə́ Kɔrḭtə 9:7

See njerɔ gə́ ra ɓa si aw gə́ rɔ’g ŋga a kun lar ləa-yeḛ nja tɔɓəi gə mba tel kuga né dɔ jia wa. See na̰ ɓa ma̰a nduú ŋga a lal sɔ ka̰dee wa. Esé see na̰ ɓa ul nékulje ŋga a lal kai mbà dee wa.

2 Njé gə́ Kɔrḭtə 1:24

Jeḛ lé n’ra sə sí rɔlel dɔ meekun’g lə sí gə́ seḭ aarje keneŋ njaŋg ɓó jeḛ saŋg gə mba jaŋ sí dɔ’g el.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

2 Njé gə́ Kɔrḭtə 9:5

Kar ŋgako̰ síje d’aw d’iŋga sí kédé ɓa, j’a korè goo dee ɓəi lé yee ɓa ma m’oo gə́ né gə́ kəm ra ya mba kar dee d’oo sə sí goo nojikwa gə́ seḭ unje ndu sí gə mba kwa gə deḛ gə́ to gə kəmee lé bèe ɓa gə mba kar sí waje dɔ gɔlee jəb-jəb ləm, mba karee to nojimeenda gə́ gəd ɓó dəw a bəg sí dɔ’g el ləm tɔ.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.