Piləmɔ̰ 1:12 - Maktub gə́ To gə Kəmee

¹² Ma m’ulá m’aree tel rɔi’g gogo asəna gə dəb rɔm kára gə́ m’ɔr m’ulá rɔi’g.

Piləmɔ̰ 1:12 ပူးပေါင်းရင်းမြစ်များ

2 Samel 16:11

Dabid ula Abisai gə kuraje ləa lai pana: Aa ooje, ŋgon məəm ya ndigi tɔlm, nɛ ɓəd ɓa dəw gə́ Bḛjami nee ɓəi wa! Yá̰je areeje ila ndɔl dɔm’g mbata Njesigənea̰ ɓa ulá gə mba karee ra bèe ya.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Mark 11:25

Loo gə́ seḭ aarje tar gə mba ra tamaji ɓa ooje to gə́ seḭ gə́ mari awje gə na̰ gə ta ndá arje meḛ sí oso lemsé dɔ’g mba kar Bɔ síje gə́ si dara lé a kar mée oso lemsé dɔ meekɔsgel’g lə sí-seḭ lé tɔ.

Lugu 15:20

Yeḛ uba naŋg ḭ mba kaw ɓee lə bɔbeeje lé. Nɛ loo gə́ yeḛ nai əw ya ɓəi ndá bɔbeeje aa loo ée ŋga mee bɔbeeje tɔsee gə no̰ mbigi-mbigi aree aiŋgwɔd aw tée tub wá kaaree’g sud.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Tel tura Godndu 13:6

Njetegginta əsé njeni neelé d’a tɔlee gə́ tɔl ya mbata yeḛ pata mba kar sí ɔsje ne Ala lə sí gə́ Njesigənea̰ rəw, yeḛ gə́ ar sí undaje loo mee ɓee gə́ Ejiptə teḛje ɔr sí ne kəi-kula-ɓər’g tɔɓəi rəw gə́ Ala lə sí gə́ Njesigənea̰ un ndia gə mba kar sí njaaje keneŋ lé debee neelé ndigi kar sí ubaje ya̰je. Togə́bè ɓa seḭ a kɔrje ne né gə́ majel mbuna sí’g tɔ.

Piləmɔ̰ 1:11

Kédé yeḛ to kura ləi gə́ gə mḭdé ba nɛ ɓasinè yeḛ to kura ləi gə́ gəd ya ləm, to kama gə́ gəd ya ləm tɔ.

Piləmɔ̰ 1:13

Ma m’ndigi ŋgəmee rɔm’g mba karee ra né am tori’g, loo gə́ ma m’isi gə kúla gwɔsm’g mbata lə Tagə́maji lé.