Ojee 9:16 - Maktub gə́ To gə Kəmee

¹⁶ D’unda Eprayimje d’ar ŋgira dee tudu kurum, D’a kandə nda̰ el, Ɓó lé denéje d’oji ŋganje kara Né gə́ to ŋgonkəm dee lé M’a karee udu bo̰.

Ojee 9:16 ပူးပေါင်းရင်းမြစ်များ

Gḭ-Néje 41:23

Dɔ koje gə́ siri gə́ to gə́ sumee ləm, aar jəm ləma, lel gə́ ḭ bər kara tudu dee ləm tɔ lé d’uba goo dee’g.

Maktub gə́ wɔji dɔ Jɔb 18:16

Gel ŋgiráje gə́ naŋg lé tudu kurum-kurum ləm, Deḛ tuga barkəmeeje gə́ tar badə-badə ləm tɔ.

Esai 40:24

Deḛ lé ma̰a dee el ləm, Gə dubu dee el ləma, Kag rɔ dee kara ŋgirá aw naŋg el ləm tɔ, Yeḛ ila kəmə pugudu dɔ dee’g Ndá deḛ tudu kurum-kurum ləm, Lel-mal ɓir dee Aw sə dee to gə́ ləm mu bèe ləm tɔ.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ojee 5:11

Ta gə́ gaŋg dɔ Eprayimje’g lé Ula busu dɔ dee’g təd dee ne rém-rém Mbata deḛ ndolè goo tornduje gə́ lel dee ɓa.

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.