Ojee 9:15 - Maktub gə́ To gə Kəmee

¹⁵ Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Ojee 9:15 ပူးပေါင်းရင်းမြစ်များ

Pakɔsje 78:60

Yeḛ uba ne loo-siée gə́ Silo ya̰, Yee ɓa to kəi-kubu gə́ yeḛ si ne mbuna dəwje’g lé.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Jeremi 11:15

Koso-dəwje gə́ m’unda dee dan kəm’g lé See ɗi ɓa deḛ ra mee kəi’g ləm wa. Deḛ ra boo-néraje gə́ majel keneŋ. Maji kar dee d’ɔr da-nékinjanéməsje lé no̰ sí’g Mbata loo gə́ seḭ raje némajel yaa̰ ndá Yen ɓa seḭ alje rɔ sí yaa̰ ɓəi.

Jeremi 12:8

Nédɔjije ləm lé tel to d’asəna Gə toboḭ gə́ si mee kag-kɔr’g No̰ komam né, Yee ɓa ma m’tel m’ə̰ji dee ne bəḭ-bəḭ gə mbəa.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 3:8

Ma m’tuba Israɛlje gə́ to majikojije el mbata mɔdkaiyaje lə deḛ lai ləm, ma m’ar dee maktub tḭ-na̰ ləm tɔ, nɛ lé bèe kara ma m’oo to gə́ Judaje gə́ to njéhulaije gə́ to ŋgako̰ deeje gə́ dené lé ɓəl el, ndá d’aw ra kaiya gə́ togə́bè lé ya tɔɓəi.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 23:18

Néra kaiya-dené ləa lé to raga pai-pai, yeḛ ya̰ kudee dum, bèe ɓa mee neḛ tel ndigee el to gə́ mee neḛ tel ndigi ne ŋgokea̰ gə́ dené el lé bèe tɔ.

Ojee 1:6

Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Ojee 1:9

Njesigənea̰ ula Ojee pana: Maji kari unda ria lə Lo-Ami (kɔr gelee pana: To koso-dəwje ləm el) Mbata seḭ toje koso-dəwje ləm-ma el ləm, Ma kara m’to Ala lə sí el ləm tɔ.

Ojee 12:11

Ma m’ula njéteggintaje taje ləm ləm, M’ar némḭdije d’ɔs goo na̰ goo na̰ ləma, M’ula dee gosotaje gə ndu njéteggintaje ləm tɔ.

Ojee 12:2

Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ojee 4:9

Né gə́ ra njékinjanéməsje lé A ra koso-dəwje togə́bè ya tɔ. M’a kar bo̰ néra dee ɔs ta dee’g Gə goo panjaa dee ləm, M’a kuga dee Gə goo kula ra dee ra dee ya ləm tɔ.

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Ojee 9:17

Ala ləm a kunda dee ɓad, Mbata deḛ d’udu mbi dee dɔ ta’g ləa, Bèe ɓa d’a kila ne mbir-mbir mbuna ginkoji dəwje gə raŋg’g ya.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Ləbije 26:30

M’a tuji loo-pole-magje lə sí ləm, m’a təd loo-suu néje lə sí gə́ ə̰də sululu lé njigi-njigi ləm, m’a kɔm nin sí dɔ gaila magəje’g lə sí ləma, m’a koo sí gə́ néje gə́ ram kəm’g ləm tɔ.

Amɔs 4:4

Awje Betel ndá raje kaiya ɓaà, Awje Gilgal kara raje kaiya unda njé gə́ kédé ɓəi ɓaà, Reeje gə nékinjanéməsje lə sí gə ndɔ rad Gə ndɔje kára-kára lai ləm, Ta néje lə sí gə́ dɔg gə́ unje kára lé kara Ndɔ munda ndá reeje ne gɔl kára kára ya ləm tɔ.

Amɔs 5:27

Bèe ndá n’a kwa sí kɔm sí ɓee-ɓər’g gir loo gə́ Damas, Njesigənea̰ ɓa pa bèe, Yeḛ gə́ ria lə Ala gə́ njeboo-néje lé ya.

Amɔs 5:5

Maji kar sí saŋgmje Betel el ləm, Awje Gilgal el ləma, Dəsje awje Beer-Seba el ləm tɔ. Mbata njé gə́ Gilgal lé d’a kwa dee ɓər ləm, Betel kara a tuji pugudu-pugudu ləm tɔ.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 6:5

Ǝi seḭ dəwje ləm, arje meḛ sí olé dɔ né gə́ Balak, Mbai gə́ Moab wɔji gə mba ra ləm, Gə ta gə́ Balaam, ŋgolə Beɔr ilá keneŋ ləm tɔ. Arje meḛ sí olé dɔ né gə́ teḛ dɔ sí’g Un kudee ɓee gə́ Sitim saar teḛ ne Gilgal Gə mba kar sí gərje ne némajije gə́ Njesigənea̰ ra lé.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Jakari 11:8

Ma m’tɔb njékulbadje munda mee naḭ gə́ kára ba ya. Rɔm asm dɔ dee’g ləm, deḛ ya kara d’ḛjim bəḭ-bəḭ ləm tɔ.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

Néra Njékaḭkulaje 5:21

Loo gə́ deḛ d’oo ta neelé ndá d’ɔd d’aw mee kəi-Ala’g gə ndɔ rad, d’un ta d’isi ndoo dee. Ŋgɔ-njekinjanéməs gə deḛ gə́ d’isi səa lé tel ree ndá deḛ ɓar njégaŋ-rəwtaje lə Jibje gə ŋgatɔgje lə Israɛlje lai dɔ na̰’d tɔɓəi d’ula kula ɓar njékaḭkulaje kəi-daŋgai’g.

Jujé 10:43

Gée gə́ gogo ndá Juje gə Israɛlje lai tel d’aw loo-si dee’g Gilgal tɔ.

1 Samel 7:16

Gə ləbje kára-kára lai lé yeḛ aw njaa gugu dɔ loo teḛ Betel ləm, gə Gilgal ləma, gə Mispa ləm tɔ ndá yeḛ gaŋg rəwta lə Israɛlje mee looje’g neelé lai tɔ.