Ojee 9:11 - Maktub gə́ To gə Kəmee

¹¹ Rɔnduba lə Eprayimje a kḭ kaw to gə́ yel bèe, Denéje d’a koji ŋganje el ləm, D’a kaw gə kèm gə́ tɔg el ləma, D’a keskèm el ləm tɔ.

Ojee 9:11 ပူးပေါင်းရင်းမြစ်များ

Gḭ-Néje 41:52

Ŋgon gə́ njekɔm’g joo lé yeḛ unda ria lə Eprayim mbata yeḛ pana: Ala am m’oji ŋganje dɔ naŋg gə́ deḛ ra səm néurti keneŋ.

Gḭ-Néje 49:22

Jisəb to barkəm kag gə́ andə njim-njim ləm, To barkəm kag gə́ aar kəm-rəw-mán’g ləm tɔ, Barkəmeeje lé d’ḭ tur dɔ ndògo-bɔrɔ.

2 Samel 6:23

Ndá Mikal, ŋgolə Sawul gə́ dené lé oji ne ŋgon el ya saar wəi ne tɔ.

Maktub gə́ wɔji dɔ Jɔb 18:5

Lookàr lə njemeeyèr a kwəi misi ləm, Ndo̰ pər gə́ o̰ bilim-bilim gə́ ḭ keneŋ lé a ndogó el ləm tɔ.

Pakɔsje 58:8

Maji kar dee sané pá to gə́ mán gə́ ula aw bèe ləm, Maji kar dee d’ur kandə ɓandaŋgje lə dee gə́ adə el ba ləm tɔ.

Njekillamber 6:3

Ɓó lé dəw oji ŋganje tɔl (100) ləm, Si kəmba ləbee bula ləma, Ar ndɔje gə́ wɔji dɔ ləbje d’ḭ dɔ maree’g gə́ kédé-kédé ləm tɔ Nɛ ɓó lé yeḛ si dan maji’g el ləm, Ɓó lé dɔɓaree kara godo ləm tɔ ndá Ma m’pana: Ŋgon gə́ d’ɔree gə́ kɔr ya kara maji undá.

Esai 17:3

Kəi-kaar-kɔgərɔ lə ɓee gə́ Eprayim a godo ləm, Ɓeeko̰ gə́ Damas gə ges Aramje d’a godo ləm tɔ. A to asəna kára ba gə rɔnduba lə Israɛlje bèe. Njesigənea̰ gə́ njeboo-néje ɓa pa bèe.

Ojee 10:5

Dəw-mee-ɓeeje gə́ Samari lé Meḛ dee a pélé wəs-wəs dɔ néndaji ŋgan maŋgje-je gə́ léḛ Bet-Aben’g, Koso-dəwje d’a kwa ndòo yoo magəpole lé ləm, Njékinjanéməsje ləa d’a ndəb pəd-pəd gə mbata ləa ləma, Gə mbata lə rɔnduba ləa gə́ a gə sané pa mbuna dee’g lé ləm tɔ.

Ojee 4:7

Loo gə́ deḛ bula d’ɔs goo na̰ gə́ kédé-kédé ndá Deḛ ra kaiya gə́ kédé-kédé D’ɔsm ne rəw tɔ. Bèe ɓa m’a kar rɔnduba lə dee Tel to rɔkul dɔ dee’g.

Ojee 5:9

Ndɔ gə́ m’a kar bo̰ néra dee ɔs ta dee’g Ndá Eprayimje d’a godo péd-péd, Ma m’ula ginkoji Israɛlje né gə́ a teḛ tɔgərɔ ya.

Ojee 9:14

Ǝi Njesigənea̰! Maji kari ra sə dee né. See ɗi ɓa kəm kari ra sə dee wa. Maji kari ar meḛ denéje lə dee to gə́ meḛ tɔr ŋganje ləm, Ar mbà dee kara yi tə-tə ləm tɔ! ...

Amɔs 1:13

Njesigənea̰ ɓa pa togə́bè pana: Gə mbata kaiya ra Amo̰je gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ta̰ meḛ denéje gə́ Galaad gə́ d’aw gə kèm Gə mba kar tad dɔ naŋg lə dee-deḛ ḭ dɔ ne maree’g ɓəi.

Lugu 23:29

Mbata aa ooje, mee ndəaje d’a gə teḛ lé d’a pana: Rɔlel nai gə kawkadje ləm, rɔlel nai gə́ deḛ gə́ d’oji ŋgon kəm kára el gə deḛ gə́ d’ar ŋganje d’il mbà dee kəm kára el ləm tɔ.

Tel tura Godndu 28:18

Ndɔl a kwa dɔ ŋgan meḛ síje ləm, gə kandə néje gə́ dɔ naŋg’d lə sí ləma, gə dɔ ŋgan meḛ nékulje lə sí gə́ boi-boi əsé njé gə́ lam-lam lé ləm tɔ.

Tel tura Godndu 28:57

kɔiyɔ gə́ teḛ mée’g gə ŋganje gə́ yeḛ oji dee ya kara yeḛ a kɔg dee sɔ mbata néje lai gə́ godo lé yeḛ a gɔl nésɔ ləa gə goo ŋgəḭ dan nékəmndoo gə némeeko̰’d gə́ njéba̰je lə sí gə́ d’isi tarəwkɔgje’g lə sí d’a kar sí síje keneŋ lé.

Tel tura Godndu 33:17

Yeḛ to ŋgondər bɔ maŋg ləa, Rɔnduba to kea̰ yeḛ nja, Gajeeje to d’asəna gə gaji dadɔg bèe, Yeḛ wa ne koso-dəwje lai Saar teḛ ne rudu naŋg’d: Deḛ to koso-dəwje lə Eprayim Gə́ bula digi-digi ləm, Deḛ to ka̰ Manasə Gə́ tɔl-dɔg-dɔg (1.000) lé ləm tɔ.