Ojee 9:10 - Maktub gə́ To gə Kəmee

¹⁰ Ma m’iŋga Israɛlje asəna gə kandə nduúje gə́ dɔdilaloo’g bèe ləm, Ma m’oo bɔ síje-je asəna gə kandə kodé gə́ doŋgɔr bèe ləm tɔ. Nɛ deḛ d’aw ndolè goo magə-Baal-Peɔr, Deḛ d’un rɔ dee d’unda gə kəmee d’ar magə gə́ yèr lé Ndá deḛ kara tel to ne né gə́ mina̰ Asəna gə magə neelé gə́ deḛ d’undá dan kəm dee’g bèe tɔ.

Ojee 9:10 ပူးပေါင်းရင်းမြစ်များ

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

2 Mbaije 17:11

Lée neelé ɓa deḛ roo néje gə́ ə̰də sululu keneŋ dɔ looje gə́ ndəw’g lai to gə́ ginkoji dəwje gə raŋg gə́ Njesigənea̰ tuba dee no̰ dee’g kédé ra lé, yee ɓa néra deeje gə́ majel lé ar oŋg lə Njesigənea̰ ḭ ne səa pu dɔ dee’g gə mbəa.

Pakɔsje 115:8

Deḛ gə́ njéra deeje lé Gə deḛ lai gə d’ɔm meḛ dee dɔ magəje’g neelé To tana sə dee pai-pai ya.

Pakɔsje 81:12

Nɛ koso-dəwje ləm lé d’un mbi dee rəw dɔ ta’g ləm, Israɛlje tədkagm el.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Esai 28:4

Ndá pudu gə́ ndòlé gə́ to néɗɔi-rɔ Dɔ wəl-loo gə́ aar kó’g lé A to kasəna gə kandə kodé gə́ kas Gə́ d’oo kédé ɓa naḭ kḭjá teḛ ɓəi lé Loo gə́ dəw ti wa jia’g ndá Sɔ gə́ lé gən ya.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 24:2

Kandə kodéje gə́ to mee karè gə́ dɔtar lé maji yaa̰ to gə́ kandə kodéje gə́ d’inja doŋgɔr bèe nɛ kandə kodéje gə́ to mee karè gə́ njekɔm’g joo lé majel kəm sɔ el mbata majel yaa̰.

Jeremi 3:24

Magəje tuji kandə nékulaje lə bɔ síje-je Un kudee loo gə́ jeḛ nai ne basa ɓəi, Badje lə dee gə maŋgje lə dee Gə ŋgan deeje gə́ diŋgam gə njé gə́ dené tɔ.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 31:2

Njesigənea̰ pa togə́bè pana: Koso-dəwje gə́ teḛ ta kiambas’g lé D’iŋga meemaji dɔdilaloo’g, Israɛlje d’isi d’aw gə́ loo-kwa-rɔ dee’g.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Ojee 13:5

Dɔdilaloo gə́ tudu kurum-kurum lé Ma m’gər sí keneŋ təsərə.

Ojee 2:15

N’a kar bo̰ nérea ɔs təa’g Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm, Gə loo gə́ yeḛ ɔm ne ŋgamaje gə mərje rəa’g ləma, Gə mbata kaw gə́ yeḛ aw goo njéto səa’gje Ar mée wəi ne dɔ neḛ’g ləm tɔ, Njesigənea̰ ɓa pa bèe.

Ojee 4:14

M’a kar bo̰ néra ŋgan síje gə́ dené ɔs ta dee’g Mbata mɔdkaiya lə dee el ləm, Esé məəm síje-je gə́ dené gə́ ra kaiya lé el ləm tɔ. Mbata seḭ nja kara awje na̰’d əw gə njémɔdkaiyaje ləm, Seḭ injaje néməsje na̰’d gə kaiya-denéje ləm tɔ. Koso-dəwje gə́ to njégərnéelje lé d’aḭ gə́ loo-tuji’g ɓa.

Ojee 4:18

D’ai né d’aree oso kəm dee’g ndá léegəneeya d’ḭ d’aw d’ya̰ rɔ dee dan néra kaiya’g. Mbaije lə dee ya kara mal nérɔkul ra dee ŋgwɔd-ŋgwɔd tɔ.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Bula lə Israɛlje 15:39

Loo gə́ kúla kubuje gə́ d’ul ta dee na̰’d to keneŋ ndá seḭ a kooje ləm, meḛ sí a kolé ne dɔ godnduje’g lə Njesigənea̰ mba kar sí raje née ya ləm tɔ, bèe ɓa seḭ a ndolèje ne goo mal néje gə́ wa meḛ sí, əsé mal néje gə́ ooje gə kəm sí el gə mba kar dee ndɔr sí kar sí ubamje ne ya̰’mje to gə́ kédé lé el.

Bula lə Israɛlje 18:13

Kandə néje gə́ mee ndɔje’g lə dee gə́ dɔtar gə́ d’a ree ne kam ma Njesigənea̰ lé d’a to kaḭ ya. Nana ɓa gə́ mee kəi’g ləi gə́ rəa àr ŋgad-ŋgad ndá a sɔ ya.

Njé gə́ Rɔmə 6:21

See kó sí to kó gə́ banwa. Ko sí neelé rɔ sí kul ne ɓasinè. Mbata loo kɔs bo̰ lə néje neelé to yoo ya.

Tel tura Godndu 32:10

Yeḛ iŋga dee dɔdilaloo’g, Dan ndu no̰’g lə daje gə́ wala gə́ to ɓəl, Yeḛ aḭ bada dɔ dee’g ləm Yeḛ aa dɔ dee kər-kər ləm tɔ, Yeḛ tɔs kəmee dɔ dee’g Asəna gə ŋgonkəmee bèe,

Tel tura Godndu 32:17

Deḛ d’inja néməs d’ar magəje gə́ to Ala el ləm Deḛ d’ar magəje gə́ deḛ gər dee el ləma Deḛ gə́ sigi gə́ ree ɓasinè ɓəi Gə́ bɔ síje-je ɓəl dee el ləm tɔ.

Tel tura Godndu 4:3

Kəm sí oo né gə́ Njesigənea̰ ra wɔji ne dɔ magə Baal-Peɔr lé gao ya, Ala lə sí gə́ Njesigənea̰ tuji deḛ lai gə́ mbuna sí’d gə́ d’aw goo magə Baal-Peɔr’g neelé,

Njéga̰g-Rəwtaje 6:32

Mee ndəa’g neelé deḛ d’unda ri Gedeo̰ lé lə Jerubaal pana: Maji kar Baal ya aḭ rɔ dɔ rəa’g oma̰ ne səa mbata yeḛ ɔs loo-nékinjaməs ləa ila.