Ojee 8:14 - Maktub gə́ To gə Kəmee

¹⁴ Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Ojee 8:14 ပူးပေါင်းရင်းမြစ်များ

1 Mbaije 12:31

Jeroboam ra kəije dɔ looje gə́ ndəw’g, tɔɓəi yeḛ unda njékinjanéməsje gə́ yeḛ mbər dee mbuna koso-dəwje’g lai, ɓó deḛ gə́ to ŋgaka Ləbije ɓa el.

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

2 Mbaije 18:13

Mee ləb ko̰ɓee’g lə Ejekias, mbai gə́ njekɔm’g dɔg-giree-sɔ lé Sa̰kɛrib, mbai gə́ Asiri ɔr rɔ aw rɔ gə ɓee-booje gə́ Juda lai gə́ ndògo-bɔrɔ gugu dɔ dee sub lé taa dee.

2 Sôrta Gḭka Israɛlje 26:10

Yeḛ ra kəije gə́ duu dɔ loo dɔdilaloo’g ləm, yeḛ ur bwa-manje bula yaa̰ keneŋ ləm tɔ, mbata yeḛ aw gə nékulje bula yaa̰ mee wəl-looje’g gə ndag-looje’g ləm, njḛ́dɔ-ndɔje ləa, gə njéŋgəm ndɔ-nduúje ləa d’isi dɔ mbal gə́ Karmel ləm tɔ mbata yeḛ unda ndɔ dan kəmee’g ya.

2 Sôrta Gḭka Israɛlje 27:4

Yeḛ unda ɓee-booje dɔ mbal gə́ Juda ləm, yeḛ ra kəi-mbaije gə kəije gə́ duu dɔ loo mee kag kɔr’g ləm tɔ.

Pakɔsje 106:21

D’ar meḛ dee unda pudum dɔ Ala gə́ njekaji dee’g Yeḛ gə́ ra néje gə́ dumkoo mee ɓee gə́ Ejiptə’g ləm,

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 29:23

Mbata loo gə́ ŋganeeje d’a koo kulaje Gə́ jim ɓa ra mbuna dee’g lé ndá D’a kunda rim gə kəmee, D’a kunda Njerɔkunda lə Jakob gə kəmee ləm, D’a ɓəl ne Ala lə Israɛlje ləm tɔ.

Esai 42:13

Njesigənea̰ unda loo teḛ To gə́ bao-rɔ bèe ləm, Yeḛ ar ŋguree rəa ŋgwɔd-ŋgwɔd To gə́ njerɔ bèe ya ləm tɔ. Yeḛ ɔr ndia gə́ tar ləm, Yeḛ ndaŋg rəa ləma, Yeḛ riba dɔ siŋgamoŋ ləa koma̰ ne njéba̰je ləa ləm tɔ.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 9:10

Yen ŋga Njesigənea̰ a kar njéba̰je lə Resin d’ḭ sə dee ləm, Yeḛ a kɔs kudu njéba̰je lə dee ɓɔḭ-ɓɔḭ.

Esai 9:9

Dərŋgelje toso Nɛ n’a kundaje kəi gə kɔr mbalje gə́ tɔl dee. Deḛ tuga kag-ɓɔlje Nɛ n’a taaje tor dee gə kag-sɛdrəje.

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 23:27

Deḛ d’ə̰ji mba kar mee koso-dəwje lə neḛ wəi sel dɔ ri neḛ’g gə nije’g lə dee gə́ nana kara ndaji taree ar maree to gə́ bɔ deeje-je d’ar meḛ dee wəi ne dɔ ri neḛ’g mbata magə-Baal lé tɔ.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Ojee 13:6

Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 2:5

N’a kula gə pər mee ɓee gə́ Juda’g Karee roo kəi-mbaije gə́ Jerusalem dula-dula ya.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

Tel tura Godndu 32:18

Seḭ ubaje kɔr mbal gə́ oji sí lé yá̰je ləm Seḭ arje meḛ sí unda pudum dɔ Ala’d Gə́ to ginkoji sí lé ləm tɔ.