Ojee 7:14 - Maktub gə́ To gə Kəmee

¹⁴ Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Ojee 7:14 ပူးပေါင်းရင်းမြစ်များ

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 52:5

Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Esai 65:14

Aa ooje, kuraje ləm d’a kɔs pa gə rɔlel dɔɓəŋgərə dee’g, Nɛ seḭ lé a raje né wəl gə meeko̰ dɔɓəŋgərə sí’g ləm, Seḭ a no̰je no̰-yoo Loo gə́ ndil sí unda bala tigi-tigi ləm tɔ.

Jeremi 12:2

I ma̰a dee ar ŋgira dee wa na̰ ɗab-ɗab ləm, Deḛ ra tɔg ləma, d’andə ləm tɔ, Rii to ta dee’g pèrèrè, Nɛ meḛ dee nai əw səi.

Jeremi 3:10

Lée gə goo néje neelé lai kara Judaje gə́ to njéhulaije gə́ to ŋgako̰ deeje gə́ dené lé tel ree rɔm’g gə mee kára ba el. Deḛ ra gə́ néŋgɔm ya. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 2:18

Deḛ no̰ wəl dɔɓəŋgərə dee’g par gə́ rɔ Njesigənea̰’g. I ndògo-bɔrɔ lə Sio̰ lé Ar mán-no̰ gə́ kəmi’g ruba to gə́ ŋgira-mán bèe dan kàrá gə loondul’g! Ǝw rɔi el ləm, Ar gel mán-no̰ gaŋg kəmi’g el ləm tɔ.

Ojee 13:6

Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 13:9

Ǝi Israɛlje, né gə́ ar sí tujije lé To mbata yeḛ gə́ askəm la sə sí lé Seḭ ḭje səa ɔseeje rəw.

Ojee 3:1

Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé.

Ojee 8:2

Deḛ ra né wəl gə́ rɔm’g pana: Jeḛ Israɛlje lé I to Ala lə sí gə́ jeḛ n’gərije ya!

Amɔs 2:8

Kubuje gə́ tona dee ne néje lé Deḛ lab naŋg to keneŋ Mbɔr loo-nékinjanéməsje’g kára-kára lai ləm, Mee kəi-magəje’g lə dee-deḛ ya Deḛ d’ai mán-nduú lə deḛ gə́ deḛ gaŋgta dɔ dee’g ləm tɔ.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Jakari 7:5

Maji kam m’ula koso-dəwje gə njékinjanéməsje lai gə́ mee ɓee’g lé m’pana: Loo gə́ seḭ ɔgje meḛ sí ɓó ləm, gə no̰je ləm tɔ Mee naḭ gə́ njekɔm’g mi gə njekɔm’g siri ləm tɔ As ləbje rɔ-siri lé See to mbata lə neḛ-neḛ nja ɓa Seḭ ɔgje ne meḛ sí ɓó gə mbəa lé wa.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.