Ojee 4:3 - Maktub gə́ To gə Kəmee

³ Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

Ojee 4:3 ပူးပေါင်းရင်းမြစ်များ

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Jeremi 12:4

See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 23:10

Mbata mɔdkaiya ɓa Taa loo mee ɓee’g pəl-pəl, Kəm ɓee to ndòo Gə mbata lə ndɔl gə́ wa dəa, Loo-ko̰-muje lə nékulje Gə́ ndag-loo’g lé tudu kurum-kurum. Deḛ d’aiŋgwɔd mba ra né gə́ majel ləm, Siŋga dee to mbata néra gə́ yèr ya ba ləm tɔ.

Jeremi 4:25

M’aa loo ndá dəw kára kara godo, Yelje lai gə́ mee dara’g D’aḭ sanéna̰ kad-kad.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:9

Ma m’ndigi no̰ ndòo Tuma̰ ŋgururu-ŋgururu dɔ mbalje gə́ tar ləm, M’a kun pa no̰ ndòo ndag-loo gə́ to dɔdilaloo’g lé ləm tɔ, Mbata pər roo loo ləm, Dəw kára kara dəs keneŋ el ləma, D’oo ndu no̰ lə nékulje keneŋ el ləm tɔ, Yelje gə́ pə̰ dara’g, gə daje lai d’aḭ sané na̰ kad-kad.

Ejekel 38:20

Ka̰jije gə́ dan baa-boo-kad’g ləm, gə yelje gə́ pə̰ dara’g ləm, gə daje gə́ wala ləm, gə néje lai gə́ d’ag naŋg gə ta mee dee ləma, gə dəwje lai gə́ dɔ naŋg nee ləm tɔ lé d’a kunda bala tigi-tigi no̰ neḛ’g. Mbalje d’a tɔr toso ləm, biri mbalje d’a jura naŋg ləma, ndògo-bɔrɔje lai d’a təd kərm-kərm ləm tɔ.

Joɛl 1:18

Nékulje d’ula hè-hè ləm, Maŋg-kosoje d’ila mbir-mbir ləm tɔ Mbata mu sɔ dee godo. Badə-kosoje kara kəm dee to ndòo yaa̰ tɔ.

Amɔs 1:2

Amɔs pana: Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm, Ndia gə́ ɓar Jerusalem kara Yeḛ ar dee d’oo ləm tɔ. Bèe ɓa mu ko̰ badje gə́ njékul deeje d’aar keneŋ lé To dan nékəmndoo’g ləm, Dɔ sém mbal gə́ Karmel kara Tudu kurum-kurum ləm tɔ.

Amɔs 5:16

Gelee gə́ nee ɓa, Njesigənea̰ Ala gə́ njeboo-néje, Mbaidɔmbaije ɓa pa togə́bè pana: D’a no̰ yoo gə mee looje lai gèr-gèr Sii ne mbigi-mbigi ya, Gə kila-rəwje lai lé kara d’a pa pana: Kwii-kwii, ɗi ɓa to togə́bè wa. D’a ɓar njendɔ gə mba karee ree loo-yoo’g ləm, D’a ɓar deḛ gə́ gər pa no̰ yoo Kar dee ree no̰ ne yoo ləm tɔ.

Amɔs 8:8

See gelee gə́ nee ɓa, dɔ naŋg neelé a yə ne el wa. See njéɓeeje d’a si ne dan kəmndooyoo’g el wa. Naŋg neelé bura a kḭ asəna gə baa bèe ləm, Yee a kḭ ləm, a rəm ləm tɔ Asəna gə baa gə́ Ejiptə bèe.

Nahum 1:4

Yeḛ ḭ gə baa-boo-kad aree tudu kurum-kurum ləm, Yeḛ ar mán baaje lai d’yi tə-tə ləm tɔ. Dɔ mbalje gə́ Basan gə Karmel lé d’wəi mbugu-mbugu ləm, Puduje gə́ Liba̰ gəḭ ləm tɔ.

Soponi 1:3

N’a tuji dəwje gə daje ləm, Gə yelje gə ka̰jije gə́ dan baa-boo-kad’g ləma, Gə nérɔkulje gə njémeeyèrje sə dee na̰’d ləm tɔ. N’a kar dəwje gə́ d’isi dɔ naŋg nee d’udu guduru ya, Njesigənea̰ ɓa pa bèe.

Jakari 5:4

Njesigənea̰ gə́ njeboo-néje lé pana: Neḛ n’ilá mba karee andə mee kəije’g lə njéɓogoje ləm, gə kəije’g lə deḛ gə́ ɓar ri neḛ d’ubu ne rɔ dee gə taŋgɔm ləm tɔ gə mba karee ra loo-siée mee kəije’g lə dee mba tuji dee na̰’d pugudu gə kag gə kɔri-mbalje.