Ojee 4:17 - Maktub gə́ To gə Kəmee

¹⁷ Eprayimje lé to njérḛ́ dɔ magə-poleje’g rḛ́-rḛ́, ndá maji kar sí uba deeje ya̰ deeje.

Ojee 4:17 ပူးပေါင်းရင်းမြစ်များ

Pakɔsje 81:12

Nɛ koso-dəwje ləm lé d’un mbi dee rəw dɔ ta’g ləm, Israɛlje tədkagm el.

Ojee 11:2

Nɛ deḛ d’unda rɔ dee ŋgərəŋ Rɔ deḛ gə́ ɓar dee’g lé, Deḛ d’inja nékinjanéməsje d’ar magə-Baalje ləm, Deḛ roo néje gə́ ə̰də sululu D’ula ne rɔnduba dɔ magəje gə́ deḛ tɔl dee ləm tɔ.

Ojee 11:6

Gelee gə́ nee ɓa rɔ a tuji ne ɓee-booje lə dee ləm, A tuji loo gə́ deḛ gəd rɔ dee dɔ’g pugudu ləm tɔ Mbata némajelje lə dee gə́ deḛ d’wɔji-kwɔji ra lé.

Ojee 12:1

Eprayimje d’aḭ dɔm gə taŋgɔm ləm, Ta sukəmloo ɓa ginkoji Israɛlje d’aḭ ne dɔm bèe ləm tɔ, Nɛ Judaje lé meḛ dee to dɔ Ala’g lé Gə́ to Njemeenda londoŋ lé.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Ojee 4:4

Yen! maji kar dəw kára kara maḭta el ləm, Tila ŋgisa dɔ maree’g el ləm tɔ Mbata koso-dəwje lə sí to d’asəna Gə deḛ gə́ kɔl gə njékinjanéməsje bèe ya.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Loo gə́ killa rea kəm Ja̰’g 22:11

Dəw gə́ nérea to kori-kori ndá maji kar nérea to kori-kori ɓəi. Dəw gə́ nérea to né gə́ mina̰ ndá maji kar nérea to né gə́ mina̰ ya ɓəi tɔ. Dəw gə́ njemeekarabasur lé maji kar nérea to gə dɔ najee ɓəi ləm, dəw gə́ njemeenda lé maji karee unda rəa gə kəmee ya ɓəi ləm tɔ.