Ojee 3:4 - Maktub gə́ To gə Kəmee

⁴ Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Ojee 3:4 ပူးပေါင်းရင်းမြစ်များ

Gḭ-Néje 31:19

Loo gə́ Laba̰ aw mba kinja bḭ badje ləa ndá Rasel ɓogo magəje lə bɔbeeje,

Gḭ-Néje 31:34

Rasel lé odo magəje lé ɔm dee gel né gə́ d’ɔm gir jambal’g ndá rəm si dɔ’g tɔ. Laba̰ woḭ mee néje lai gə́ mee kəi-kubu’g neelé nɛ iŋga né kára kara keneŋ el.

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 6:14

Dabid ndam gə siŋgarea bura no̰ Njesigənea̰’g ləm, yeḛ tɔ kubu gə́ d’ṵji gə kúla palégal ɓa rḛgee’g ləm tɔ.

2 Mbaije 23:24

Tɔɓəi Jojias sané njéɓar ndil dəwje gə́ d’wəi ləm, gə deḛ gə́ to njéndo̰-ərje ləm, gə magə-térapimje ləm, gə magəje gə́ raŋg ləma, gə néje lai gə́ mina̰ gə́ yeḛ oo dee mee ɓee gə́ Juda gə Jerusalem ləm tɔ ar dee godo gə mba kar néje lai gə́ to mee maktub godndu gə́ njekinjanéməs Hilkija iŋga mee kəi’g lə Njesigənea̰ lé aw ne lée’g béréré ya.

2 Sôrta Gḭka Israɛlje 15:2

ndá Ajaria aw aar no̰ Asa’g ulá pana: Ooje ta ləm maji, Asa seḭ gə Judaje gə Bḛjamije lai! Njesigənea̰ nai sə sí loo gə́ seḭ naije səa, ɓó lé seḭ sa̰geeje ndá seḭ a kḭgáje, nɛ ɓó lé seḭ ubáje yá̰je ndá yeḛ kara a kuba sí kya̰ sí tɔ.

Teḛ-Raga 28:4

Aa oo, kubuje gə́ d’a ra ɓa to nee: ɓɔl kubu gə́ tɔ kaar dee’g ləm, épod ləm, kubu gə́ ŋgal yududu ləm, gə kubu gə́ gel maree’d gə́ d’ɔs gə ŋgaŋgee béréré-béréré ləm, gə dɔgugu ləma, gə gagəra ləm tɔ. D’a ra kubuje gə́ to gə kəmee mbata lə ŋgokɔḭ Aaro̰ gə ŋganeeje gə́ diŋgam mba kar dee ra ne kula gə́ wɔji dɔ nékinjaməs lé kam.

Teḛ-Raga 28:6

D’a ra kubu épod lé gə kúla gə́ ra gə larlɔr ləm, gə kúla gə́ ndul piro-piro gə́ kas gəḭ gə kas njir-njir ləma, gə kubu gə́ ra gə kúla palégal gə́ sorè ləm tɔ: d’a kɔsee gə ŋgaŋgee béréré-béréré ləm tɔ.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Ejekel 19:14

Pər ḭ barkəmeeje’g Roo ka̰dee dula-dula, Barkəmeeje gə́ siŋ na̰’d siŋ-siŋ Gə mba tel to kag-mbai lə mbaije lé godo. Yee nee ɓa to pa no̰ ndòo ndá Yee ɓa d’a no̰ ne ndòo ya.

Ejekel 20:32

Né gə́ seḭ ə̰jije meḛ sí’g pajena: A kaw lée’g béréré lé seḭ a kooje pai godo. Seḭ pajena: Seḭ ndigi toje kasjena gə ginkoji dəwje gə raŋg ləm, toje kasjena gə gel-bɔje lə ɓeeje gə́ raŋg ləma, seḭ ndigi poleje kag gə mbal ləm tɔ.

Ejekel 21:21

Unda siŋgai dɔ maree’g Tel rɔi par gə́ dɔkɔl! Aar njaŋg tel rɔi par gə́ dɔgel! Tɔji kiambas ləi gə looje lai Gə́ tel kəmi gə́ keneŋ.

Ejekel 21:31

Mbaidɔmbaije gə́ Njesigənea̰ pa togə́bè pana: D’a kɔr jɔg ləm, d’a kɔr dɔgugu ləm tɔ! Néje d’a tel to ɓəd. Yeḛ gə́ d’aree ula dəa lé d’a karee unda dəa tar ləm, yeḛ gə́ d’aree unda dəa tar lé d’a karee ula dəa ləm tɔ.

Loo gə́ killa rea kəm Daniel’g 11:31

Kudu-njérɔje gə́ yeḛ a kula dee lé d’a kula sul dɔ loo gə́ to gə kəmee’g ləm, gə dɔ kəi-kaar-kɔgərɔ’g ləm tɔ. D’a kɔg dee dɔ nékinjanéməsje gə́ ra ta-ta ləm, d’a kunda né gə́ mina̰ gə́ ka̰ tuji ne loo lé tar ləm tɔ.

Loo gə́ killa rea kəm Daniel’g 12:11

Un kudee mee ndəa gə́ d’a kɔg dee dɔ nékinjaməs gə́ d’aw ra ta-ta gə́ kédé-kédé lé saar mee ndəa gə́ né gə́ mina̰ lə njetujiloo lé d’a kundá tar ndá ndɔje lai d’a kaḭ tɔl-dɔg gə dəa tɔl-joo gir-dee rɔ-jinaikara (1.290).

Loo gə́ killa rea kəm Daniel’g 9:27

Yeḛ a man rəa njaŋg mba kɔm na̰’d gə njé gə́ na̰je mee ndəaje gə́ siri as gɔl kára. Nɛ mee ges ndəaje gə́ siri lé yeḛ a kɔg dee loo kinja néməs ləm, gə kun né kar Ala ləm tɔ. Njetujiloo lé a ra néje gə́ mina̰ gə́ d’al dɔ loo sula saar gə mba kar tuji gə néje gə́ d’wɔji gə mba ra lé ɓugu dɔ njetujiloo’g lé.

Ojee 13:10

See mbai lə sí lé si loo gə́ ra’g ɓəi wa. Maji karee taa dɔ sí mee ɓee-booje’g lə sí lai! See njégaŋ-rəwtaje lə sí gə́ seḭ ula deeje pajena: Ar síje mbai gə ŋgan-mbaije lé d’əd ra ɓəi wa.

Ojee 13:11

Oŋg ɓa ḭ səm arm m’ar sí ne mbaije ləm, Gə goo meekḭ jugugu ɓa m’a kɔr dee ne ləm tɔ.

Ojee 2:11

Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.

Ləbije 8:7

Yeḛ ula kubu gə́ ŋgal yududu rɔ Aaro̰’g ndá yeḛ wa dɔ kubu lé gə ndar ləm, yeḛ tel ula kubu gə́ ŋgal yududu dɔ maree’g rəa’g ləm, yeḛ ula kubu gə́ ɓaree épod rəa’g ndá wa dəa gə gagəra gə́ wɔji dɔ épod gə́ yeḛ ula rəa’g ləm tɔ.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Tagə́maji gə́ Ja̰ ndang 19:15

Nɛ deḛ ra né u-u-u pana: Ɔd səa aw ɗaree gə́ ɗar ya! Pilatə dəji dee pana: See mbai lə sí lé nja m’a ɗaree wa. Mbai dɔ njékinjanéməsje-je d’ilá keneŋ pana: Sesar ya gə́ mbai lə sí ɓó mbai lə sí gə́ gə́ raŋg godo ŋga.

Ǝbrəje 10:26

Jeḛ gə́ kəm sí inja dɔ kankəmta’g mba̰, ɓó lé jeḛ n’sula rɔ sí sɔgɔ dan kaiya’g lə sí gogo ndá nékinjaməs gə́ raŋg gə́ ka̰ kuga kaiya lé godo.

Njéga̰g-Rəwtaje 17:5

Bèe ɓa loo-kwa-Ala-mee’g to mee kəi’g lə Mika ndá yeḛ ra néndaji ləm, gə néndaji magəje ləm tɔ. Yeḛ un ŋgonee kára mbuna ŋganeeje’g undá gə kəmee gə́ njekinjanéməs.

Njéga̰g-Rəwtaje 18:14

Yen ŋga dəwje mi gə́ d’aw gə mba tən ɓee gə́ Layis koo lé d’un ta dəji ŋgako̰ deeje pana: See seḭ gərje to gə́ mee kəije’g neelé loo-kwa-Ala-mee’g to keneŋ ləm, néndaji magəje to keneŋ ləma, néndaji gə́ tɔl gə́ tɔl gə yeḛ gə́ léḛ gə́ léḛ to keneŋ ləm tɔ wa. Ɓasinè maji kar sí ooje né gə́ kəm ra ɓa.

Njéga̰g-Rəwtaje 8:27

Néje gə́ ra gə larlɔr neelé Gedeo̰ ra gə́ magə ndá yeḛ unda dan mee ɓee-boo’g ləa gə́ Opra ndá né neelé tel to magəpole lə Israɛlje lai ya, tɔɓəi yee tel to gum mbata Gedeo̰ gə njémeekəije ləa tɔ.

1 Samel 14:3

Akija, ŋgolə Akitub, ŋgoko̰ I-Kabod gə́ to ŋgolə Pines gə́ to ŋgolə Eli, njekinjanéməs lə Njesigənea̰ loo gə́ Silo’g lé ula kubu épod rəa’g. Njérɔje lé gər to gə́ Jonatan teḛ aw el.

1 Samel 15:23

Mbata kalta lé to kaiya gə́ to asəna kára ba gə ndo̰ ər ləm, kɔs ta rəw lé to asəna kára ba gə néra gə́ gə dɔ najee el ləm tɔ. Bèe ndá to gə́ i mbad ta lə Njesigənea̰ lé yeḛ kara a mbad kari to mbai lé tɔ.

1 Samel 2:18

Samel ra kula no̰ Njesigənea̰’g. Ŋgon neelé ula kubu gə́ ŋgal gə́ d’ṵji gə kúla palégal rəa’g.

1 Samel 21:9

Dabid dəji Ahimelek pana: See ko̰-niŋga əsé kiambas to jii’g el wa. Mbata m’ree gə kiambas əsé gə nérɔje ləm el, mbata kula lə mbai lé ɔsm rad.

1 Samel 22:18

Togə́bè ɓa mbai tel ula Doɛg pana: Tel kəmi tɔl njékinjanéməsje lé. Ndá Doeg, dəw gə́ Edɔm lé tel kəmee ndá yeḛ nja tɔl njékinjanéməsje lé. Mee ndəa’g neelé yeḛ tɔl dee rɔ-jinaijoo-gir-dee-mi gə́ d’ula épod gə́ ra gə kúla palégal rɔ dee’g lé.

1 Samel 23:6

Loo gə́ Abiatar, ŋgolə Ahimelek aḭ aw rɔ Dabid’g Keyila lé yeḛ aw gə kubu épod jia’g.

1 Samel 23:9

Dabid oo ta némajel gə́ Sawul wɔji gə mba ra səa ndá yeḛ ula Abiatar, njekinjanéməs lé pana: Maji kari ree gə kubu épod lé.

1 Samel 30:7

Yeḛ ula Abiatar, njekinjanéməs gə́ to ŋgolə Ahimelek lé pana: Ree gə kubu épod lé am! Ndá Abiatar ree gə kubu épod lé ar Dabid ya tɔ.